(Local) Sun, 20 Sep, 2020

అది జరిగితే తెల్ల చీర కట్టుకుంటానన్న సుష్మాస్వరాజ్...

August 07, 2019,   11:50 AM IST
Share on:
అది జరిగితే తెల్ల చీర కట్టుకుంటానన్న సుష్మాస్వరాజ్ ...

సుష్మా స్వరాజ్.. ఆమె మనస్సు ఎంత నిర్మలమో.. అంతే ఫైర్ బ్రాండ్ కూడా. సభలో ఆమె మాట్లాడితే ప్రత్యర్దులు నోరు మూసుకొని కూర్చునే వారు. ఎందుకంటే సుష్మా సబ్జెక్టు పై అవగాహన ఉంటేనే మాట్లాడుతారు. లేకుంటే మాట్లాడేవారు కాదు. దాని పై పూర్తి సాధన చేసి తాను మాట్లాడేది. అందుకే సుష్మాకు సమాధానం చెప్పాలంటే ప్రత్యర్దులు కాస్త వెనుకడుగు వేసేవారు. అయితే సుష్మాకు మొండితనం కూడా ఎక్కువే. సోనియా గాంధీకి సుష్మా స్వరాజ్ కి అసలు పడేది కాదు. ఇద్దరి మధ్య పచ్చగడ్డి వేస్తే భగ్గుమనేంత వైరం ఉండేది. 1999లో సుష్మా స్వరాజ్ బళ్లారిలో సోనియా మీద బరిలోకి దిగారు. ఆ సమయాన సోనియాకు సుష్మా ముచ్చెమటలు పట్టించారు. సుష్మా ఈ ఎన్నికల్లో 56వేల ఓట్ల తేడాతో ఓడిపోయారు.  ఈ పోటీని విదేశీ కోడలు-స్వదేశీ కూతురు మధ్య జరుగుతున్న పోటిగా అంతా అభివర్ణించారు. 2004లో యూపీఏ ఘన విజయం సాధించింది. సోనియాగాంధీని ప్రధాన మంత్రి చేయాలని కాంగ్రెస్ భావించింది. కానీ దీనిని బీజేపీ వ్యతిరేకించింది. సుష్మా స్వరాజ్ ఒకడుగు ముందుకు వేసి సంచలన వ్యాఖ్యలు చేశారు. సోనియాగాంధీ ప్రధానమంత్రి అయితే తాను గుండు కొట్టించుకొని జీవితాంతం తెల్లచీర కట్టుకుంటానని, కేవలం పల్లిలను మాత్రమే ఆహారంగా తీసుకుంటానన్నారు. బ్రిటిషర్ల పాలన ముగిసినా ఇంకా భారత్ పై విదేశీయుల పెత్తనమేందంటూ గళమెత్తారు. ఆ తర్వాత విపక్ష పార్టీలు కూడా సుష్మాకు మద్దతు పలికాయి. సుష్మా ప్రభావమో ఏమో కానీ సోనియా గాంధీ ప్రధాన మంత్రి కాలేదు. నిజంగా సోనియా ప్రధాని అయితే సుష్మా అనంత పని చేసేవారు. చాలా మొండిఘటికురాలు సుష్మా స్వరాజ్ అని పలువురు నేతలు గతాన్ని గుర్తు చేసుకున్నారు.

సంబంధిత వర్గం
మోడీతో పవార్‌ భేటీ..!
మోడీతో పవార్‌ భేటీ..!

Copyright 2018 - 2020 www.telugudaily24.com. All rights reserved.