ప్రభుత్వం ప్రజాస్వామ్యాన్ని ఖూనీ చేస్తోంది - రాహుల్ గాంధీ

జమ్మూకశ్మీర్‌ పీసీసీ చీఫ్‌ గులామ్‌ అహ్మద్‌ మిర్‌, అధికార ప్రతినిధి రవీందర్ శర్మను అరెస్టు చేయడాన్ని తీవ్రంగా ఖండిస్తున్నట్లు  ఆ పార్టీ అగ్రనేత రాహుల్‌ గాంధీ తెలిపారు . రాష్ట్రంలో ప్రజాస్వామ్యాన్ని ఖూనీ చేస్తున్నారని ఆయన మండిపడ్డారు. ఓ జాతీయ పార్టీపై ఇలాంటి అప్రజాస్వామిక చర్యలతో ప్రభుత్వం ప్రజాస్వామ్య వ్యవస్థపైనే దెబ్బకొడుతోంది. ఇలాంటి అనాలోచిత పనుల నుంచి ఎప్పుడు బయటికొస్తారని... రాహుల్ ట్విటర్‌ వేదికగా ధ్వజమెత్తారు. కాగా శనివారం ఆంక్షల్ని సడలించనున్నామని జమ్మూకశ్మీర్‌ రాష్ట్ర అధికారులు ప్రకటించిన కొద్ది సమయంలోనే కాంగ్రెస్‌ పార్టీ విలేకరుల సమావేశం ఏర్పాటు చేసింది. దీనిపై అభ్యంతరం వ్యక్తం చేసిన పోలీసులు వారిని అదుపులోకి తీసుకున్నారు.