భూటాన్ చేరుకున్న ప్రధాని మోడీ

భారత ప్రధాని నరేంద్రమోడి రెండు రోజుల పర్యటన కోసం ఈరోజు భూటాన్‌ వెళ్లారు. ప్రధానిగా బాధ్యతలు చేపట్టిన తర్వాత మోదీ భూటాన్‌లో పర్యటించడం ఇది రెండోసారి . ఈ ఉదయం పారో విమానాశ్రయానికి చేరుకున్న మోడి కి ఆ దేశ ప్రధాని లొటాయ్‌ షెరింగ్‌ సాదర స్వాగతం పలికారు. అనంతరం భూటాన్‌ సాయుధ బలగాలు గౌరవ వందనం సమర్పించాయి. పారో ఎయిర్‌పోర్టు నుంచి మోడి.. భూటాన్‌ రాజధాని థింపుకు బయల్దేరారు. ఆయన వెళ్తున్న మార్గంలో స్థానిక ప్రజలు భారతీయ, భూటాన్‌ జెండాలు పట్టుకుని మోడికి ఘన స్వాగతం పలికారు.ఇరు దేశాల మధ్య ద్వైపాక్షిక బంధాన్ని మరింత బలోపేతం చేసే దిశగా భూటాన్‌ నేతలతో మోడి చర్చలు జరపనున్నారు. పర్యటనలో భాగంగా ఆ దేశ రాజు జిగ్మే ఖేసర్‌ నంగ్యేల్‌ వాంగ్‌చుక్‌తో భేటీ కానున్నారు. ప్రతిష్ఠాత్మక రాయల్‌ యూనివర్శిటీలో విద్యార్థులనుద్దేశించి మోడి ప్రసంగించనున్నారు.