(Local) Sat, 26 Sep, 2020

సెప్టెంబర్1నుండి కొత్త ట్రాఫిక్ రూల్స్

August 22, 2019,   11:06 AM IST
Share on:
సెప్టెంబర్1నుండి కొత్త ట్రాఫిక్ రూల్స్

ఇక పై ట్రాఫిక్ నిబంధనలు ఉల్లంఘిస్తే జేబులు గుల్ల కావాల్సిందే. పార్లమెంట్ ఇటీవలే కొత్త వాహన చట్టాన్ని ఆమోదించింది. దీనికి రాష్ట్రపతి ఆమోద ముద్ర కూడా లభించింది. న్యాయశాఖ నిబంధనలు రూపొందించడమే మిగిలింది. న్యాయశాఖ నిబంధనలు అవసరం లేని 63 క్లాజులను సెప్టెంబర్ 1 నుంచి అమలులోకి తేవాలని కేంద్ర ప్రభుత్వం భావిస్తోంది. ఈ విషయాన్ని కేంద్ర రవాణా శాఖ మంత్రి నితిన్ గడ్కరీ వెల్లడించారు. గడ్కరీ ప్రకటన నేపథ్యంలో కొత్త మోటారు వాహన చట్టంపై రాష్ట్రంలో ప్రజలకు అవగాహన కల్పించే కార్యక్రమాలు అప్పుడే మొదలయ్యాయి. ‘ట్రాఫిక్‌ నిబంధనలు పాటించండి.. డబ్బులు మిగుల్చుకోండి’ అంటూ హైదరాబాద్‌లో ట్రాఫిక్‌ పోలీసులు చౌరస్తాల్లో బోర్డులు పెట్టి మరీ పాజిటివ్‌ ప్రచారం చేస్తున్నారు. కేంద్ర చట్టాన్ని రాష్ట్రం అడాప్ట్ చేసుకోవాల్సి ఉంటుందని దానికి పెద్ద సమయం పట్టదని తెలంగాణ న్యాయశాఖ అధికారులు తెలిపారు. నూతన చట్టాన్ని కేంద్రం అమలు చేసిన రోజునే రాష్ట్రంలో కూడా అమలులోకి వస్తుందని వారు అన్నారు. ప్రస్తుతం ఉన్న జరిమానాలకు దాదాపు 10 శాతం రెట్టింపు జరిమానాను పెంచారు. 
 
కొత్తగా వచ్చిన ట్రాఫిక్ నిబంధనలు ఈ విధంగా ఉండనున్నాయి. 

- ప్రస్తుతం సీటు బెల్ట్ ధరించకపోతే 100 రూపాయల ఫైన్ ఉండగా ఇక నుంచి అది 1000 రూపాయలు కానుంది. 

- ప్రస్తుతం హెల్మెట్ ధరించకపోతే 100 రూపాయల ఫైన్ ఉండగా ఇక నుంచి అది 1000 రూపాయలు కానుంది. 

- అంబులెన్స్ లు, అత్యవసర వాహనాలకు దారివ్వకపోతే ప్రస్తుతం ఎటువంటి ఫైన్ లేదు. కానీ ఇక నుంచి 10 వేల రూపాయల ఫైన్ విధించనున్నారు. 

- వాహనాలను అతివేగంగా నడిపిన, బైక్ రేసింగ్ లకు పాల్పడితే ప్రస్తుతం 500 రూపాయల ఫైన్ విధిస్తున్నారు. ఇక నుంచి 5000 రూపాయల ఫైన్ విధిస్తారు. 

- లైసెన్స్ లేకుండా డ్రైవింగ్ చేస్తే ప్రస్తుతం 500 రూపాయల ఫైన్ విధిస్తున్నారు. ఇక నుంచి 5000 రూపాయలు విధించనున్నారు. 

- డ్రంక్ అండ్ డ్రైవ్ చేసి వాహనం నడిపితే ప్రస్తుతం 2 వేల రూపాయల ఫైన్ విధిస్తున్నారు. ఇక నుంచి 10 వేల రూపాయల ఫైన్ విధించనున్నారు. 

- ఓవర్ లోడ్ తో వెళ్లే వాహనాలకు ప్రస్తుతం 2 వేల రూపాయల ఫైన్ విధిస్తున్నారు. ఇక నుంచి 20 వేల రూపాయల ఫైన్ విధించనున్నారు. 

- మైనర్లు వాహనం నడుపుతూ పట్టుబడితే ప్రస్తుతం ఎటువంటి ఫైన్ లేదు. కానీ ఇక నుంచి 25 వేల రూపాయలు ఫైన్ విధించనున్నారు. 

- ట్రాఫిక్ లైన్ జంప్ చేసినా, సెల్ ఫోన్ లో మాట్లాడుతూ డ్రైవ్ చేసినా, రాంగ్ రూట్ లో ఓవర్ లోడ్ తో వెళ్లినా ప్రస్తుతం 1000 రూపాయల ఫైన్ విధిస్తున్నారు. ఇక నుంచి 5 వేల రూపాయల ఫైన్ విధించనున్నారు.

సంబంధిత వర్గం
‘దారి తప్పిన’ బస్సుకు ఎదురునిలిచింది
‘దారి తప్పిన’ బస్సుకు ఎదురునిలిచింది
త్వరలో పేటీఎం లైవ్ టీవీ
త్వరలో పేటీఎం లైవ్ టీవీ

Copyright 2018 - 2020 www.telugudaily24.com. All rights reserved.