(Local) Thu, 29 Oct, 2020

సభ్యత్వ నమోదును అత్యంత ప్రతిష్టాత్మకంగా చేపట్టండి -కిషన్‌రెడ్డి

August 11, 2019,   6:08 PM IST
Share on:
సభ్యత్వ నమోదును అత్యంత ప్రతిష్టాత్మకంగా చేపట్టండి  ...

రాష్ట్రంలో జరగబోయే మున్సిపాలిటీ ఎన్నికల్లో బిజెపి సత్తా ఏమిటో అధికార టిఆర్‌ఎస్‌కు చూపించాలని కేంద్ర హోంశాఖ సహాయ మంత్రి జి. కిషన్‌రెడ్డి బిజెపి శ్రేణులకు పిలుపునిచ్చారు.వచ్చే ఎన్నికల్లో రాష్ట్రంలో బిజెపి అధికారంలోకి రావడానికి మున్సిపల్ ఎన్నికలు నాందిపలికే విధంగా పనిచేయాలని సూచించారు. ప్రతి వంద మందికి ఒక బూత్ కమిటీని వేయాలన్నారు. గత అసెంబ్లీ ఎన్నికల్లో బూత్ కమిటీలు పూర్తి స్థాయిలో పటిష్టంగా లేకపోవడం వల్లే ఫలితాలు మనకు వ్యతిరేకంగా వచ్చాయన్నారు. ఆ తప్పు మళ్ళీ జరగకుండా బూత్ కమిటీలను పటిష్టంగా ఏర్పాటు చేయాలన్నారు.  అలాగే జిహెచ్‌ఎంసి ఎన్నికల్లో వంద సీట్లను లక్షంగా పెట్టుకుని పార్టీ సభ్యత్వ నమోదు కార్యక్రమాన్ని పూర్తి చేయాలన్నారు. బిజెపి పార్టీ నగర కార్యవర్గ సమావేశం శనివారం నారాయణగూడలోని కేశవ మెమోరియల్ పాఠశాలలో జరిగింది. పార్టీ నగర అధ్యక్షుడు, ఎంఎల్‌సి రాంచందర్‌రావు అధ్యక్షతన జరిగిన సమావేశానికి కిషన్‌రెడ్డి ముఖ్య అతిథిగా హాజరయ్యారు.ఈ సందర్భంగా ఆయన మాట్లాడుతూ, కశ్మీర్‌లో ఆర్టికల్ 370 రద్దు, ట్రిపుల్ తలాక్ వంటి బిల్లుకు కేంద్ర ప్రభుత్వం ఆమోదించిన తరువాత భారత్ ప్రతిష్ట ప్రపంచ దేశాల్లో మరింత పెరిగిందన్నారు. ప్రస్తుతం అన్ని దేశాలు భారత్ వైపు చూస్తున్నాయని, మోడీ పాలనకు జేజేలు పలుకుతున్నాయని వ్యాఖ్యానించారు. మోడీ పాలనపై దేశ వ్యాప్తంగా అన్ని వర్గాలు ప్రజలు పూర్తి సంతృప్తితో ఉన్నారని కిషన్‌రెడ్డి తెలిపారు.

సంబంధిత వర్గం
మునిసిపాలిటీ ఎన్నికలకు  హైకోర్టు గ్రీన్ సిగ్నల్
మునిసిపాలిటీ ఎన్నికలకు హైకోర్టు గ్రీన్ సిగ్నల్

Copyright 2018 - 2020 www.telugudaily24.com. All rights reserved.