(Local) Fri, 13 Dec, 2019

జాబిలికి మరింత చేరువగా చంద్రయాన్ -2

August 28, 2019,   3:38 PM IST
Share on:
జాబిలికి మరింత చేరువగా చంద్రయాన్ -2

భారతదేశ అంతరిక్ష చరిత్రలోనే కీలక ఘట్టమైన చంద్రయాన్‌-2 రోదసిలో నిరాటంకంగా దూసుకెళుతోంది. ఈ నేపథ్యంలో చంద్రయాన్‌-2 మరో 11 రోజుల్లో జాబిల్లి చెంతకు చేరనుంది. ఈ క్రమంలో ఇస్రో ఎంతో ప్రతిష్ఠాత్మకంగా చేపట్టిన చంద్రయాన్‌-2 విజయవంతంగా మరో దశను దాటింది. బుధవారం ఉదయం 9.04 గంటలకు మూడోసారి కక్ష్య కుదింపు ప్రక్రియ చేపట్టారు. ప్రపల్షన్‌ సిస్టమ్‌ను 20 నిమిషాల పాటు మండించి వ్యోమనౌకను 179 x 1412 కిలోమీటర్ల కక్ష్యలోకి తీసుకొచ్చారు. దీంతో చంద్రయాన్‌-2 జాబిల్లికి మరింత చేరువైంది. నాలుగో కక్ష్య కుదింపు ప్రక్రియను ఆగస్టు 30 సాయంత్రం 6-7 గంటల మధ్య నిర్వహించనున్నట్లు ఇస్రో తెలిపింది. ఆ విన్యాసం పూర్తయిన తర్వాత కక్ష్య ఆకారం గుండ్రంగా మారుతుందని వెల్లడించింది. సెప్టెంబరు 7న జాబిల్లిపైన దక్షిణ ధృవ ప్రాంతంలో చంద్రయాన్‌-2 అడుగుపెట్టనుంది.

Expression #8 of SELECT list is not in GROUP BY clause and contains nonaggregated column 'teluguda_entlnewsdb2018.c.slug' which is not functionally dependent on columns in GROUP BY clause; this is incompatible with sql_mode=only_full_group_by
సంబంధిత వర్గం

Copyright 2018 - 2019 www.telugudaily24.com. All rights reserved.