టీమిండియాతో టీ20 సిరీస్‌ ఆరంభానికి ముందే వెస్టిండిస్‌ జట్టుకు ఊహించని ఎదురుదెబ్బ తగిలింది. గాయం కారణంగా అమెరికాలోని ప్లోరిడాలో జరిగే మొదటి రెండు టీ20లకు ఆల్‌రౌండర్‌ రసెల్‌ దూరమయ్యాడు. ఇటీవలే ఇంగ్లాండ్ వేదికగా ముగిసిన వన్డే వరల్డ్‌కప్‌లో రసెల్‌ గాయపడిన సంగతి తెలిసిందే.అయినా టీమిండియాతో టీ20 సిరీస్‌లో తొలి రెండు మ్యాచ్‌ల కోసం ప్రకటించిన జట్టులో విండిస్ సెలక్టర్లు రస్సెల్‌కు చోటు కల్పించారు. అయితే, గాయం ఇంకా అలాగే ఇబ్బంది పెడుతుండటంతో రస్సెల్ తనంతట తానుగా ఈ పర్యటన నుంచి తప్పుకున్నట్లు తెలుస్తోంది. అతడి స్థానంలో జేసన్‌ మహ్మద్‌ను ఎంపిక చేసినట్లు కోచ్‌ ఫ్లాయిడ్‌ తెలిపాడు.