(Local) Wed, 18 Sep, 2019

తొలి టెస్టులో దూకుడుగా విండీస్ ...పేలవంగా ఇండియా

August 23, 2019,   4:03 PM IST
Views: 84
Share on:
తొలి టెస్టులో దూకుడుగా విండీస్ ...పేలవంగా ఇండియా

విండీస్ జట్టుతో జరుగుతున్న తొలి టెస్టు మ్యాచ్లో టీమిండియా తొలి రోజు ఆట ముగిసేసమయానికి 6 వికెట్లు కోల్పోయి 203 పరుగులు చేసింది. ప్రస్తుతం క్రీజులో రిషబ్ పంత్(20), రవీంద్ర జడేజా(3)లు ఉన్నారు. గురువారం వర్షం కారణంగా ఆలస్యంగా ప్రారంభమైన మ్యాచ్లో టాస్ ఓడి ముందుగా బ్యాటింగ్ చేపట్టిన భారత్ కు ఆదిలనే గట్టి దెబ్బ తగిలింది. ఈ మ్యాచ్లో కెఎల్ రాహుల్ తో కలిసి ఓపెనింగ్ దిగిన మయాంక్ అగర్వాల్(5) స్వల్ప స్కోరుకే మొదటి వికెట్ రూపంలో పెవిలియన్ చేరాడు. ఆ తర్వాత వచ్చిన నయా వాల్ ఛటేశ్వర పుజారా(2), కెప్టెన్ విరాట్ కోహ్లీ(9)లు వెంటవెంటనే ఔటై నిరాశపర్చారు.

దీంతో భారత్ 8 ఓవర్లలో 25 పరుగులకే 3 కీలక వికెట్లు కోల్పోయి కష్టాల్లో పడింది. ఈ దశలో క్రీజులోకి వచ్చిన వైస్ కెప్టెన్ అజింక రహానె, రాహుల్ తో కలిసి ఇన్నింగ్స్ చక్కదిద్దే భాద్యతను తీసుకున్నాడు. వీరిద్దరూ మరో వికెట్ పడకుండా జాగ్రత్తా ఆడారు. ఈ క్రమంలో జట్టు స్కోరు 93 పరుగుల వద్ద రాహుల్(44), రోచ్ బౌలింగ్ లో షై హోప్ చేతికి చిక్కాడు. దీంతో రాహుల్ అర్థ సెంచరీని మిస్ చేసుకున్నాడు. ఆ తర్వాత వచ్చిన హనుమ విహారీతో కలిసి రహానె 82 పరుగుల భాగస్వామ్యాన్ని అందించి జట్టును మెరుగైన స్థితిలో నిలిపాడు. ఈ దశలో రహానె అర్థ సెంచరీ పూర్తిచేసుకున్నాడు. అనంతరం రహానె(81), విహారి(32)లు వరుసగా పెవిలియన్ చేరడంతో భారత్ మళ్లీ కష్టాల్లో పడింది. మరో వికెట్ పడకుండా రిషబ్, జడేజా తొలి రోజును ముగించారు.

సంబంధిత వర్గం
అండగా నిలిచినందుకు ధన్యవాదాలు తెలిపిన ఇస్రో
అండగా నిలిచినందుకు ధన్యవాదాలు తెలిపిన ఇస్రో

Copyright 2018 - 2019 www.telugudaily24.com. All rights reserved.