మహిళా క్రికెట్ లో రికార్డులు సృష్టించిన షఫాలి వర్మ

మంగళవారం మహిళల ట్వంటీ 20 మ్యాచులో భారత్, సౌతాఫ్రికా జట్లు తలపడగా, ఈ మ్యాచ్ లో భారత్ విజయం సాధించిన విషయం తెలిసిందే. అయితే ఈ మ్యాచులో పలు ఆల్ టైం రికార్డులు నమోదయ్యాయి. జట్టులోకి కొత్తగా వచ్చిన షఫాలి వర్మ పలు రికార్డులను బ్రేక్ చేస్తూ ఎంట్రీ ఇచ్చింది.
15 ఏళ్ల షఫాలి వర్మ భారతదేశం తరఫున ట్వంటీ 20 ఇంటర్నేషనల్ ఆడిన అతి పిన్న వయస్కురాలుగా రికార్డు సృష్టించింది. ఆమె 15 సంవత్సరాల 239 రోజుల వయస్సులో ఈ ఘనతను సాధించింది. సూరత్‌లోని లాలాభాయ్ కాంట్రాక్టర్ స్టేడియంలో దక్షిణాఫ్రికాతో తొలిసారి టీ 20 ఆడింది. గార్గి బెనర్జీ తర్వాత భారత జట్టు తరఫున అంతర్జాతీయ మ్యాచ్ ఆడిన రెండవ అతి పిన్న వయస్కురాలుగా కూడా షఫాలి రికార్డు సృష్టించింది.షఫాలి వర్మ జనవరి 28, 2004న హర్యానాలోని రోహ్తక్‌లో జన్మించింది. సెప్టెంబర్ లో ఆమె భారత మహిళల ట్వంటీ 20 ఇంటర్నేషనల్ జట్టులో ఎంపికైంది. సెప్టెంబర్ 24న, దక్షిణాఫ్రికాతో జరిగిన మ్యాచులో భారత్ తరపున ఆమె ట్వంటీ 20లో  అరంగేట్రం చేసింది.