(Local) Wed, 18 Sep, 2019

మార్కెట్లోకి డిప్రెషన్ ని కొలిచే యాప్

August 21, 2019,   3:36 PM IST
Views: 120
Share on:
మార్కెట్లోకి డిప్రెషన్ ని కొలిచే యాప్

స్మార్ట్ ఫోన్‌ ఎక్కువ వాడితే, సోషల్‌ నెట్‌వర్కులలో నిత్యం తలదూర్చి బయటి ప్రపంచాన్ని పూర్తిగా పట్టించుకోకుండా అందులోనే మునిగిపోతే - డిప్రెషన్‌ టెండెన్సీ ఎక్కువయ్యే ప్రమాదం ఉందని విన్నాం. అయితే ఇప్పుడు డిప్రెషన్‌ని కొలిచే యాప్‌ కూడా స్మార్ట్‌ ఫోన్‌లోనే వస్తోంది.
 నడకని కొలిచే యాప్స్‌, నిద్రని ఎనలైజ్‌ చేసే యాప్స్‌, ఆరోగ్య సలహాలిచ్చే యాప్స్‌, ఆహారాన్ని సజెస్ట్‌ చేసే యాప్స్‌ ... ఇలా నిత్యజీవితంలో ఆరోగ్యంగా ఉండేందుకు ఉపయోగపడే యాప్స్‌ చాలానే ఉన్నాయి. ఇప్పుడు తాజాగా మన మెంటల్‌ కండిషన్‌ని కనుక్కోగలిగే యాప్‌ కూడా వచ్చేసింది! వాచ్‌ యువర్‌ టాక్‌... అనే యాప్‌ మీ మెంటల్‌ కండిషన్‌ని అంచనా వేస్తుంది. మీలో ఏమాత్రం డిప్రెషన్‌ ఉన్నా.. ఆ విషయాన్ని కనిపెట్టేసి హెచ్చరిస్తుంది.ఇంతకీ ఈ యాప్‌ ఎలా పనిచేస్తుంది అనుకుంటున్నారా? ఈ యాప్‌ పేరు ‘వాచ్‌ యువర్‌ టాక్‌’ … అన్న పేరులోనే ఉంది! ఇది మీ ఫోన్లోనే ఉంటుంది కాబట్టి, మీతోనే నిత్యం ఉండే ఫోన్‌ ఆధారంగా నిరంతరం మీ మాటల్ని గమనిస్తూ ఉంటుంది. అంటే మీ పక్కనే ఉంటూ  బ్యాక్‌గ్రౌండ్‌లో పనిచేస్తూ మీ టాక్స్‌ మీద ఓ కన్నేసి ఉంచుతుంది. డిప్రెషన్‌లోకి వెళ్లేవాళ్లు, కొద్దికాలంలో ఆత్మహత్య చేసుకోబోయే వ్యక్తులు... ఎలాంటి సంభాషణలు చేస్తారన్నది ఇప్పటికే ప్రపంచ వ్యాప్తంగా సైంటిస్టులు కనిపెట్టారు. ఆ డేటా, దానికి సంబంధించిన ఎనాలిసిస్‌ అంతా యాప్‌లో అంతర్భాగంగా ఉంటుంది. వాటి ఆధారంగా ఈ యాప్‌... మీలో డిప్రెషన్‌ ఏర్పడుతోందీ అంటే.. వెంటనే పసిగట్టేస్తుంది.

సంబంధిత వర్గం

Copyright 2018 - 2019 www.telugudaily24.com. All rights reserved.