త్వరలో పేటిఎం నుంచి సినిమాలు...

రీఛార్జ్, బిల్ పేమెంట్స్, షాపింగ్‌పై క్యాష్‌బ్యాక్ ఆఫర్లు, డిస్కౌంట్లతో యూజర్లకు సేవలు అందిస్తున్న పేటీఎం... త్వరలో వినోదాన్ని కూడా పంచనుంది. సెప్టెంబర్ నుంచి లైవ్ టెలివిజన్, షార్ట్ వీడియోస్, న్యూస్, కంటెంట్ అందించనుంది. యూజర్ల సంఖ్యను 25 కోట్లకు పెంచాలన్న లక్ష్యంతో ఈ ప్రణాళికలు రూపొందిస్తోంది పేటీఎం. ఇప్పటికే పేటీఎం ఇన్‌బాక్స్‌లో 2.7 కోట్ల మంది యాక్టీవ్ యూజర్లు ఉన్నారు.

"వినూత్నమైన కంటెంట్ అందించడం ద్వారా మరో 6-7 కోట్ల మంది కొత్త యూజర్లు చేరతారని భావిస్తున్నాం. దాంతో పాటు స్మార్ట్‌ఫోన్లల్లో పేటీఎం యాప్ ఇన్‌బిల్ట్‌గా ఇచ్చేందుకు ఒప్పో, వివో, షావోమీ లాంటి కంపెనీలతో ఒప్పందం కుదుర్చుకుంటున్నాం. 55-60% మంది మొదటిసారి స్మార్ట్‌ఫోన్ ఉపయోగిస్తున్నవాళ్లే మా లక్ష్యం" అని పేటీఎం సీనియర్ వైస్ ప్రెసిడెంట్ దీపక్ అబోట్ తెలిపారు.