త్వరలో పేటీఎం లైవ్ టీవీ

ప్రముఖ డిజిటల్‌‌ పేమెంట్స్‌‌ సేవల కంపెనీ పేటీఎం త్వరలో న్యూస్, వినోదరంగంలోకి దిగనుంది. రాబోయే మార్చి నాటికి నెలవారీ యాక్టివ్‌‌ యూజర్ల సంఖ్యను 25 కోట్లకు పెంచడమే లక్ష్యంగా రూ.750 కోట్లు ఇన్వెస్ట్‌‌ చేస్తామని ఆ సంస్థ ప్రకటించింది. పేటీఎం ఇన్‌‌బాక్స్ సేవల వలన కొత్తగా 2.7 కోట్ల మంది యూజర్లు చేరారని, ఈ ఆర్థిక సంవత్సరం ముగిసేనాటికి ఏడు కోట్లకు పెరుగుతుందని కంపెనీ తెలిపింది. ఈ నేపథ్యంలో మరింత మంది యూజర్లను ఆకర్షించడానికి న్యూస్‌‌, షార్ట్‌‌ వీడియోలు, లైవ్‌‌ టీవీ వంటి సేవలను ఈ ఏడాది సెప్టెంబర్ నుంచి అందించడానికి పేటీఎం ఏర్పాట్లు చేస్తోంది.