(Local) Tue, 26 Oct, 2021

వైసిపి ఎంఎల్ సి అభ్యర్థుల ఖరారు

August 12, 2019,   9:58 AM IST
Share on:
వైసిపి ఎంఎల్ సి అభ్యర్థుల ఖరారు

వైసిపి ఎంఎల్ సి అభ్యర్థులను ఖరారు చేస్తూ ఆ పార్టీ అధ్యక్షుడు , ఎపి సిఎం జగన్ నిర్ణయం తీసుకున్నారు. మంత్రి మోపిదేవి వెంకట రమణ, హిందూపురం నుంచి ఓడిపోయిన మహమ్మద్ ఇక్బాల్, కర్నూలు జిల్లాకు చెందిన చల్లా రామకృష్ణా రెడ్డిలను ఎంఎల్ సి అభ్యర్థులుగా జగన్ ఖరారు చేశారు. సోమవారం సాయంత్రం వరకు వీరి అభ్యర్థిత్వంపై అధికార ప్రకటన రానుంది. ప్రస్తుతం ఎపి శాసన మండలిలో ఎంఎల్ఎ కోటాలో మూడు ఎంఎల్ సిలు ఖాళీగా ఉన్నాయి. అయితే అసెంబ్లీలో సంఖ్యా బలం వైసిపికి ఉంది. దీంతో ఈ మూడు ఎంఎల్ సి స్థానాలు వైసిపికే దక్కనున్నాయి. ఈ నెల 14న నామినేషన్ల గడువు ముగియనుంది. ఈ క్రమంలోనే పైముగ్గురిని ఎంఎల్ సి అభ్యర్థులుగా ఖరారు చేశారు. ఈమేరకు ఎంఎల్ సి అభ్యర్థులుగా ఖరారైన పై ముగ్గురికి సిఎం జగన్ సమాచారం అందించినట్టు సమాచారం. టిడిపిలో ఉండి ఇటీవలి ఎన్నికల సమయంలో చల్లా రామకృష్ణారెడ్డి వైసిపిలో చేరారు. ఆయనకు ఎంఎల్ సి పదవి ఇస్తానని నాడు జగన్ హామీ ఇచ్చారని, ఇచ్చిన మాట ప్రకారం చల్లా రామకృష్ణారెడ్డికి ఎంఎల్ సి పదవి ఇస్తున్నారని వైసిపి నేతలు చెబుతున్నారు.

సంబంధిత వర్గం
కారెం శివాజీ రాజీనామా -జగన్ సమక్షంలో..వైసీపీలోకి
కారెం శివాజీ రాజీనామా -జగన్ సమక్షంలో..వైసీపీలోకి

Copyright 2018 - 2020 www.telugudaily24.com. All rights reserved.