రాజీవ్ గాంధీకి కాంగ్రెస్ ప్రముఖుల ఘన నివాళి

మాజీ ప్రధాని రాజీవ్ గాంధీ 75వ జయంతి సందర్భంగా ప్రధాని నరేంద్ర మోడీ ఆయనకు ఘన నివాళి అర్పించారు. రాజీవ్ గాంధీ జయంతిని సద్భావన దివస్‌గా పాటించడం గత కొన్నేళ్లుగా జరుగుతోంది. ఈ సందర్భంగా మాజీ ప్రధాని రాజీవ్ గాంధీ 75వ జయంతి వేడుకలను కాంగ్రెస్ శ్రేణులు దేశ వ్యాప్తంగా ఘనంగా జరుపుకుంటున్నారు. ఈ సందర్భంగా దిల్లీలోని వీర్ భూమి వద్ద మాజీ రాష్ట్రపతి ప్రణబ్ ముఖర్జీ, మాజీ ఉపరాష్ట్రపతి హమీద్ అన్సారీ, మాజీ ప్రధాని మన్మోహన్ సింగ్ యూపీఏ ఛైర్‌పర్సన్ సోనియాగాంధీ, కాంగ్రెస్ మాజీ అధ్యక్షుడు రాహుల్ గాంధీ, కాంగ్రెస్ ప్రధాన కార్యదర్శి ప్రియాంక గాంధీ, పలువురు కాంగ్రెస్ సీనియర్లు నివాళులర్పించారు.ప్రధాని మోడీ ట్వీట్ ద్వారా రాజీవ్ గాంధీకి నివాళి అర్పించారు.