(Local) Sun, 20 Oct, 2019

ఎర్రకోట వేదికగా ప్రధాని కీలక నిర్ణయం

August 15, 2019,   12:17 PM IST
Share on:
ఎర్రకోట వేదికగా ప్రధాని కీలక నిర్ణయం

దేశ రక్షణ విషయంలో తనదైన శైలిలో దూసుకుపోతున్న ప్రధాని నరేంద్ర మోడీ.. స్వాాతంత్య్ర దినోత్సవం రోజున ఎర్రకోటలో కీలకమైన నిర్ణయం తీసుకున్నారు. జాతినుద్దేశించి ప్రసంగిస్తూ పలు కీలక సంస్కరణలకు శ్రీకారం చుట్టారు. త్వరలో త్రివిధ దళాలకు కలిపి ఒకే చీఫ్ ను నియమిస్తామని ప్రకటించారు. ఆయన్నీ చీఫ్ ఆఫ్ డిఫెన్స్ స్టాప్ గా (సీడీఎస్)గా వ్యవహరించనున్నారు. దీని ద్వారా సైనిక విభాగాల మధ్య మెరుగైన సమన్వయానికి అవకాశం ఎర్పడుతుందన్నారు. దేశాల మధ్య పరిస్థితులు త్వరితగతిన మారుతూ.. రక్షణ సాంకేతికతలో పెను మార్పులు సంభవించాయన్నారు. ఈ తరుణంలో ఏదో ఒక సైనిక విభాగంపై ఆధారపడడం సరికాదని.. త్రివిధ దళాలను సమన్వయ పరుచుకుంటూ ముందుకు సాగాల్సిన అవసరం ఉందన్నారు. దేశ భద్రత, ముఖ్యంగా మిలిటరీ వ్యవహరాల్లో ప్రధానికి సీడీఎస్‌ అండగా నిలవనున్నారు

త్రివిధ దళాలకు కలిపి ఒకే చీఫ్ ను నియమిస్తామని ప్రధాని మోడీ నిర్ణయించడంపై పలువురు హర్షం వ్యక్తం చేస్తున్నారు. ఈ నిర్ణయాన్ని పలువురు ప్రముఖులు గొప్ప సంస్కరణగా అభివర్ణిస్తున్నారు. కార్గిల్ యుద్ధం తర్వాత ఏర్పాటైన కె. సుబ్రహ్మణ్యం కమిటీ తొలిసారి సీడీఎస్ నియామకాన్ని సిఫార్సు చేసింది. సీడీఎస్ ను త్రివిధ దళాల్లోంచి ఏదో ఒక విభాగం నుంచి సీనియర్ అధికారిని ఎన్నుకునే అవకాశాలు ఉన్నట్లు నిపుణులు చెబుతున్నారు.

సంబంధిత వర్గం
అరెస్టు చేసిన ఉగ్రవాదులను పాక్ విచారించాలి - అలైస్ ...
అరెస్టు చేసిన ఉగ్రవాదులను పాక్ విచారించాలి - అలైస్ ...

Copyright 2018 - 2019 www.telugudaily24.com. All rights reserved.