(Local) Wed, 21 Aug, 2019

చిల్లర రాజకీయాలతో అసలు ప్రయోజనాలకు దెబ్బ - పవన్ కల్యాణ్

August 05, 2019,   1:22 PM IST
Share on:

 జనసేన అధినేత పవన్‌ కల్యాణ్‌ ఈరోజు మీడియాతో మాట్లాడుతు పోలవరం ప్రాజెక్టును ఆపడం సరికాదని వ్యాఖ్యానించారు. రాజధాని అమరావతి, పోలవరం ప్రాజెక్టుల్లో జరిగిన అవినీతిని వెలికితీసే క్రమంలో ప్రజలు నష్టపోరాదని, గత ప్రభుత్వ అవకతవకలు సరిచేసుకుంటూ ముందుకు వెళ్లాలే తప్ప ప్రాజెక్టులను మొత్తానికే నిలిపివేయడం సరికాదని జనసేన పార్టీ అధ్యక్షులు శ్రీ పవన్ కల్యాణ్ హితవు పలికారు.

అమరావతి నిర్మాణం నిలిపివేయడం వల్ల దాదాపు 20వేల మంది ప్రత్యక్షంగా, పరోక్షంగా ఉపాధి కోల్పోయారని గుర్తు చేశారు. వ్యక్తిగత కక్షలతో పోలవరం ప్రాజెక్టును నిలిపివేయడంలో ఏదో లోతైన విషయం ఉందన్న శ్రీ పవన్ కల్యాణ్ .. చిల్లర రాజకీయాల మూలంగా రాష్ట్ర ప్రయోజనాలు దెబ్బతింటాయన్నారు. ఇలాంటి చర్యల వల్ల రాష్ట్రానికి పెట్టుబడులు రావని, అవగాహన ఉన్న నాయకులు చేయాల్సిన పని కాదని అన్నారు. స్థానిక సంస్థల ఎన్నికల్లో పొత్తుల గురించి ఇంకా ఆలోచించలేదని, ముందు క్షేత్రస్థాయిలో పార్టీ బలోపేతంపైనే దృష్టి పెట్టినట్లు వివరించారు. రెండు రోజుల పర్యటన నిమిత్తం భీమవరం వెళ్లిన శ్రీ పవన్ కళ్యాణ్ .. రెండో రోజు సోమవారం ఉదయం మీడియాతో మాట్లాడారు.

 

సంబంధిత వర్గం

మరోసారి తన గొప్ప మనస్సు చాటుకున్న జనసేన అధినేత

Copyright 2018 - 2019 www.telugudaily24.com. All rights reserved.