ఆ ఇద్దరికీ మంత్రి పదవులు లేనట్టే ?

నిజామాబాద్ ఎంపీ స్థానంలో కవిత ఓటమి చెందడంతో ఇద్దరు నేతలకు తెలంగాణ కేబినేట్ లో అవకాశం లేకుండా పోయిందన్న చర్చ జరుగుతోంది. మాజీ స్పీకర్ సురేష్ రెడ్డి అసెంబ్లీ ఎన్నికలకు ముందు టీఆర్ఎస్ లో చేరారు. ఆయన అసెంబ్లీ ఎన్నికల్లోనే పోటీ చేస్తారని అంతా భావించారు. కానీ ఆయన పోటీ చేయలేదు. మాజీ మంత్రి మండవ వెంకటేశ్వరరావుకు రైతుల్లో మంచి పేరుంది. పసుపు రైతుల నుంచి ఇబ్బంది తప్పదని భావించిన కేసీఆర్ ముందు జాగ్రత్తగా మండవతో చర్చలు జరిపారు. కానీ ఆయన పార్టీలో చేరలేదు. డి. శ్రీనివాస్ మీద వ్యతిరేకత రావడంతో సురేష్ రెడ్డిని చేర్చుకున్నారన్న చర్చ కూడా జరిగింది. రాజ్యసభ ఆఫర్ లేదా ఎమ్మెల్సీని చేసి మంత్రి పదవి ఇస్తారన్న చర్చ జరిగింది. కానీ అనూహ్యంగా బీజేపీ పుంజుకొని నిజామాబాద్ లో కవిత ఓటమి పాలైంది. దీంతో ఇప్పుడు ఆ ఇద్దరు నేతలను సీఎం కేసీఆర్ కనీసం పట్టించుకోవడంలేదని సమాచారం. కవిత గెలిచి ఉంటే సురేష్ రెడ్డితో పాటు మండవకు కూడా పార్టీలో, ప్రభుత్వంలో సముచిత స్థానం లభించేదని అంతా చర్చించుకుంటున్నారు.