(Local) Sun, 17 Oct, 2021

టీడీపీ శ్రేణుల నుండి నాకు భద్రత కల్పించండి -ఆళ్ల రామకృష్ణ రెడ్డి

August 19, 2019,   11:16 AM IST
Share on:
టీడీపీ శ్రేణుల నుండి నాకు భద్రత కల్పించండి -ఆళ్ల ర ...

టీడీపీ శ్రేణుల నుంచి తనకు ప్రాణహానీ ఉందనీ, తనకు భద్రత కల్పించాలని వైసీపీ ఎమ్మెల్యే ఆళ్ల రామకృష్ణారెడ్డి తాడేపల్లి పోలీసుల్ని ఆశ్రయించారు. సోషల్ మీడియాలో కొందరు వ్యక్తులు తనపై అభ్యంతరకరమైన పోస్టులు పెడుతున్నారని ఫిర్యాదు చేసిన ఆయన ఆ పోస్టులు పెట్టిన వారిపై వెంటనే చర్యలు తీసుకోవాలని కోరారు. తాడేపల్లిలోని పోలీస్ స్టేషన్ కు వెళ్ళిన రామకృష్ణారెడ్డి తనకు వస్తున్న బెదిరింపుల మీద పోలీసులకు ఫిర్యాదు చేశారు. అందులో..‘నాని చౌదరి, లోకేశ్ టీమ్ పేరుతో  సోషల్ మీడియా అకౌంట్ ల నుండి బెదిరిస్తూ పోస్టులు పెడుతున్నారని, చెన్నై టీడీపీ ఫోరమ్ పేరుతో కూడా అనుచిత వ్యాఖ్యలు చేస్తున్నారని ఫిర్యాదు చేశారు.

జగన్ ను జైలుకు పంపుతామనీ, నన్ను చంపేస్తామని బెదిరిస్తున్నారని ఆయన ఫిర్యాదులో పేర్కొన్నారు. కరకట్ట ప్రాంతం  తన నియోజకవర్గంలో భాగం అయినందునే ఇక్కడ పర్యటించానని, అంతేతప్ప తాను చంద్రబాబు నివాసంలోకి వెళ్లలేదని స్పష్టం చేశారు. ప్రతిపక్ష నేత ఉంటున్న ఇల్లు ముంపునకు గురవ్వకుండా చూసుకోవాల్సిన బాధ్యత తమపై ఉందని అన్నారు. వరద ప్రభావిత ప్రాంతాల్లో పర్యటించినా టీడీపీ నేతలు రాద్ధాంతం చేస్తున్నారని ఆయన ఆగ్రహం వ్యక్తం చేశారు. ప్రజా తీర్పును టీడీపీ అధినేత చంద్రబాబు, ఆయన కుమారుడు లోకేశ్ ఓర్వలేకపోతున్నారని ఆయన విమర్శించారు.

సంబంధిత వర్గం
మంగళగిరి ఎమ్మెల్యే ఆఫీస్‌లో చోరీ ..
మంగళగిరి ఎమ్మెల్యే ఆఫీస్‌లో చోరీ ..
జాతీయ జెండా ఎగురవేసిన పవన్
జాతీయ జెండా ఎగురవేసిన పవన్

Copyright 2018 - 2020 www.telugudaily24.com. All rights reserved.