ట్రంప్ ను చూసి మోడీ భయపడుతున్నారు -అసదుద్దీన్ ఓవైసీ

అమెరికా అధ్యక్షుడు డొనాల్డ్ ట్రంప్ ను చూసి ప్రధాని నరేంద్ర మోడీ భయపడుతున్నారని ఎంఐఎం చీఫ్, హైదరాబాద్ ఎంపి అసదుద్దీన్ ఓవైసీ ఎద్దేవా చేశారు. కశ్మీర్ విషయంలో తాను మధ్యవర్తిత్వం వహిస్తానని ట్రంప్ చెబుతున్నప్పటికీ ప్రధాని నరేంద్ర మోడీ ఎందుకు మౌనంగా ఉంటున్నారని, ఎందుకు వెనుకడుగు వేస్తున్నారని ఓవైసీ ప్రశ్నించారు. కశ్మీర్ అంశాన్ని ప్రపంచ దేశాలు హిందూ – ముస్లిం సమస్యగానే భావిస్తున్నాయని ఆయ పేర్కొన్నారు. భారత్, పాక్ సమస్యను రెండు వర్గాల సమస్యగా చూడరాదని ఆయన స్పష్టం చేశారు. ట్రంప్ వ్యాఖ్యలపై మోడీ స్పందించాలని ఆయన పేర్కొన్నారు. అసెంబ్లీ ఆమోదం, జమ్మూకశ్మీర్ ప్రజల అంగీకారం లేకుండానే కశ్మీర్ ను రెండుగా విభజించడం సరికాదని ఆయన పేర్కొన్నారు. భారత విదేశీ విధానంలో లోపం ఉందని, ఈ క్రమంలోనే కశ్మీర్ అంశంపై ట్రంప్ వ్యాఖ్యలపై స్పందించేందుకు మోడీ భయపడుతున్నారని ఓవైసీ తెలిపారు.