ఇండియా మనకు చిరకాల మిత్ర దేశం - బోబ్ బ్లాక్ మెన్

ఆర్టికల్ 370ని నిర్వీర్యం చేయడంపై ఓవైపు పాకిస్తాన్ అభ్యంతరం వ్యక్తం చేస్తున్నప్పటికీ ప్రపంచ దేశాలు సానుకూలంగా స్పందిస్తున్నాయి. సరిహద్దు దేశం చైనా ఈ విషయంలో తలదూర్చబోమని ప్రకటించింది. అమెరికా కూడా తటస్థ వైఖరితో ఉంది. తాజాగా బ్రిటన్ కూడా ఇండియాకు సానుకూలంగా  ప్రకటన చేసింది. కశ్మీర్ అంశం ఇండియా అంతరంగిక వ్యవహారమని బ్రిటన్ ఎంపీ బోబ్ బ్లాక్‌మన్ వ్యాఖ్యానించారు. ఇండియాకు సానుకూలంగా బ్రిటన్ ప్రధానమంత్రి బోరిస్ జాన్సన్‌కు ఆయన లేఖ రాశారు. ‘‘మూడవ దేశ ప్రమేయాన్ని ఎంత మాత్రం అంగీకరించం. ఇండియా మనకు చిరకాల మిత్ర దేశం. ఆ దేశ అంతర్గత వ్యవహారాల్లో తలదూర్చడం సరికాదు’’ అని పేర్కొన్నారు.‘‘ఒక మంచి ముందడుగును ఏ ప్రజాస్వామ్యదేశమైనా అంగీకరిస్తుంది’’ అని లేఖలో బోబ్ బ్లాక్‌మన్ వ్యాఖ్యానించారు