(Local) Sat, 24 Jul, 2021

హర్యానాలో ప్రభుత్వ ఏర్పాటుకు బీజేపీ యత్నం

October 25, 2019,   3:35 PM IST
Share on:
హర్యానాలో ప్రభుత్వ ఏర్పాటుకు బీజేపీ యత్నం

హర్యానా అసెంబ్లీ ఎన్నికల్లో హంగ్ ఏర్పడడంతో  జేజేపీతో పాటు, తమతో కలసివచ్చే ఇండిపెండెంట్లను కలుపుకుని ప్రభుత్వాన్ని ఏర్పాటు చేసేందుకు కాంగ్రెస్ యత్నిస్తోంది. జేజేపీ అధినేత దుష్యంత్ చౌతాలాకు సీఎం పదవిని కాంగ్రెస్ ఆఫర్ చేసింది. మరోవైపు, ఈరోజు మరోసారి ముఖ్యమంత్రిగా ప్రమాణస్వీకారం చేసేందుకు బీజేపీ నేత మనోహర్ లాల్ ఖట్టర్ సిద్ధమవుతున్నట్టు తెలుస్తోంది. పార్టీ అధిష్ఠానం ఆదేశాలతో ఇప్పటికే ఢిల్లీలో ఉన్న ఆయన…. బీజేపీ జాతీయ వర్కింగ్ ప్రెసిడెంట్ జేపీ నడ్డాతో భేటీ కానున్నారు. పార్టీ ఇతర కీలక నేతలను కూడా ఆయన కలిసే అవకాశం ఉంది. ఆ తర్వాత హర్యానా శాసనసభ బిజెపి పక్ష నేతగా ఖట్టర్ ను ఆ పార్టీ ఎమ్మెల్యేలు ఎన్నుకుంటారు. అనంతరం రాష్ట్ర గవర్నర్ ను కలిసి… ఎన్నికల్లో అతి పెద్ద పార్టీగా అవతరించిన బిజెపి ని ప్రభుత్వం ఏర్పాటు చేసేందుకు అనుమతించాలని కోరనున్నారు. ఆ తర్వాత సాయంత్రం 4.30 గంటలకు ముఖ్యమంత్రిగా ఆయన ప్రమాణస్వీకారం చేస్తారని తెలుస్తోంది. దీపావళి తర్వాత కేబినెట్ ఏర్పాటు ఉంటుందని చెబుతున్నారు. మరోవైపు, అధికారాన్ని ఏర్పాటు చేసేందుకు మరో ఆరుగురు ఎమ్మెల్యేలు అవసరం ఉన్న నేపథ్యంలో, బిజెపి అన్ని అవకాశాలను పరిశీలిస్తోంది. ఓ వైపు దుష్యంత్ తో చర్చలు జరుపుతూనే, ఇండిపెండెంట్లను ఆకర్షించేందుకు యత్నిస్తోంది. ఈ నేపథ్యంలో, రాష్ట్రంలో ఏం జరగబోతోందా? అనే ఉత్కంఠ సర్వత్ర నెలకొంది.

సంబంధిత వర్గం
ఆరు బంతుల్లో ఐదు వికెట్లు
ఆరు బంతుల్లో ఐదు వికెట్లు

Copyright 2018 - 2020 www.telugudaily24.com. All rights reserved.