బోటు ప్రమాదంపై మాజీ ఎంపీ హర్షకుమార్ సంచలన వ్యాఖ్యలు

మాజీ ఎంపీ హర్షకుమార్ సంచలన వ్యాఖ్యలు చేశారు. తూర్పుగోదావరి జిల్లా దేవీపట్నం మండలం కచ్చులూరు బోటు ప్రమాదంపై ఆయన ఆసక్తికరమైన కామెంట్స్ చేశారు. బోటులో మొత్తం 93 మంది ఉన్నారని, దేవీపట్నం ఎస్సై బోటు వద్దని వారించినా పర్యాటకశాఖ మంత్రి అవంతి శ్రీనివాస్ ఫోన్ చేయడం వల్లే బోటు ముందుకు కదలిందని ఆరోపించారు. బోటు జాడ సోమవారమే కనిపించినా దాన్ని బయటకు తీసేందుకు అధికారులు సుముఖంగా లేరని ఫైరయ్యారు. గోదావరిలో తిరిగే బోట్లలో రాజకీయ నాయకులు, పర్యాటకశాఖ అధికారుల పెట్టుబడులు ఉన్నాయన్నారు. ఫ్లోటింగ్ జట్టీ ద్వారా మునిగిన బోట్లను బయటకు తీసుకువచ్చేందుకు వీలున్నా ఆదిశగా ప్రయత్నాలు చేయకపోవడం దారుణమన్నారు.