(Local) Wed, 20 Oct, 2021

అజ్ఞాతంలోకి మాజీ మంత్రి జోగు రామన్న

September 10, 2019,   11:06 AM IST
Share on:
అజ్ఞాతంలోకి మాజీ మంత్రి జోగు రామన్న

తెలంగాణ మాజీ మంత్రి,ఆదిలాబాద్ ఎమ్మెల్యే జోగు రామన్న అజ్ఞాతంలోకి వెళ్లినట్టు తెలుస్తోంది. జోగు రామన్న నిన్న  అసెంబ్లీ సమావేశాలకు కూడా హాజరు కాలేదు. సోమవారం మధ్యాహ్నాం నుంచి ఆయన అజ్ఞాతంలోకి వెళ్లినట్టు తెలుస్తోంది. గన్ మెన్లు,డ్రైవర్లను వెనక్కు పంపి రామన్న ఫోన్ స్విచ్చాఫ్ చేసుకున్నారు. మంత్రి వర్గంలో చోటు దక్కకపోవడంతోనే జోగు రామన్న అజ్ఞాతంలోకి వెళ్లి ఉంటారని సన్నిహితులు భావిస్తున్నారు. జోగు రామన్న ఇది వరకే పర్యావరణ,అటవీ శాఖ మంత్రిగా పని చేశారు. అందరికి మంత్రి పదవి ఇవ్వాలనే ఉద్దేశ్యంతోనే జోగు రామన్నను ఈ సారి పక్కకు పెట్టినట్టు టీఆర్ఎస్ నేతలు చర్చించుకుంటున్నారు.

ఆదిలాబాద్ జిల్లాలో జోగు రామన్న కీలక నేతగా వ్యవహరించారు. ప్రస్తుతం ఆయన ఆదిలాబాద్ ఎమ్మెల్యేగా ఉన్నారు. ఈ సారి కూడా మంత్రి పదవి వస్తుందని ఆయన ఆశించారు. కానీ సమీకరణాల దృష్ట్యా జోగు రామన్నకు అవకాశం దక్కలేదు. రామన్న ఆచూకీ కోసం కుటుంబ సభ్యులు ఆందోళన చెందుతున్నారు. జోగు రామన్నకు మంత్రి పదవి రాలేదన్న బాధతో ఆయన అనుచరుడు సాయిరవి ఒంటి పై కిరోసిన్ పోసుకొని ఆత్మహత్యాయత్నానికి ప్రయత్నించాడు. దీనిని స్థానికులు అడ్డుకున్నారు.

సంబంధిత వర్గం
 బాన్సువాడలో అభివృద్ధి పనులను ప్రారంభించిన  కేటీఆర ...
 బాన్సువాడలో అభివృద్ధి పనులను ప్రారంభించిన కేటీఆర ...

Copyright 2018 - 2020 www.telugudaily24.com. All rights reserved.