మెహబూబా ముఫ్తీని తీవ్రవాదిగా ప్రకటించండి - శివసేన

కశ్మీర్‌లో అల్లర్లను రెచ్చగొట్టే విధంగా మెహబూబా ముఫ్తీ మాట్లాడుతున్నారని, నిరోధక చట్టం-2019 ప్రకారం ఆమెను తీవ్రవాదిగా ప్రకటించాలని శివసేన పార్టీ డిమాండ్ చేసింది. కశ్మీర్ యువకులు, ప్రజలు త్యాగాలు సిద్ధంకండి అని ముఫ్తీ పిలుపునిచ్చారు. రెచ్చగొట్టే వ్యాఖ్యలు చేయడంతో ఆమెను అరెస్టు చేయాలని కోరింది. మోడీ ప్రభుత్వం ఇటీవల తీవ్రవాదుల వ్యతిరేక చట్టం పార్లమెంటులో ప్రవేశపెట్టి ఆమోదించారని, ఆ చట్టం ప్రకారం ముఫ్తీని బంధించాలని డిమాండ్ చేసింది. ఆర్టికల్ 35ఎ కశ్మీర్‌ను భారత్ నుంచి వేరుచేస్తోందని, భిన్నమైన హోదా ఉంది. కశ్మీర్‌లో జరగబోయేది ఇద్దరు లేదా ముగ్గురికి మాత్రమే తెలుసునని శివసేన తెలిపింది. జమ్మూ కాశ్మీరుకు వర్తింపచేస్తున్న ప్రత్యేక ప్రతిపత్తిని (రాజ్యాంగంలోని 370వ అధికరణను) రద్దు చేయాలన్న ప్రభుత్వ నిర్ణయాన్ని కేంద్ర హోం శాఖ మంత్రి అమిత్ షా సోమవారం రాజ్యసభలో ప్రకటించిన విషయం  తెలిసిందే.