రూపాయి ఫీజు కోసం రమన్న సుష్మా...

బీజేపీ సీనియర్ నేత సుష్మా స్వరాజ్ హఠాన్మరణం అందరిని కలిచివేసింది. గూడచర్యం ఆరోపణలు ఎదుర్కొంటూ పాక్ జైల్లో ఉన్న భారత పౌరుడు కూల్ భూషణ్ జాదవ్ ను ఇండియాకు తీసుకువచ్చేందుకు సుష్మా స్వరాజ్ తీవ్రంగా ప్రయత్నించారు. ఈ కేసును సీనియర్ న్యాయవాది హారీష్ సాల్వే వాదించారు. ఈ కేసులో ప్రస్తుతానికి భారతే పై చేయి సాధించింది. అయితే కేసు వాదించినందుకు హారీష్ సాల్వే కేవలం 1రూపాయిని మాత్రమే ఫీజుగా తీసుకుంటానన్నారు. దీనిని గుర్తు పెట్టుకున్న సుష్మా స్వరాజ్ మంగళవారం రాత్రి న్యాయవాది హారీష్ సాల్వేకు ఫోన్ చేసి "మీరు కేసు వాదించి గెలిచారు. మీ ఫీజు రూపాయి తీసుకోవడానికి రండి..రేపు ఉదయం 6 గంటలకు రండి" అంటూ ఆమె ఆహ్వానించారట. దీనికి హారీష్ సాల్వే స్పందించి "అవును మేడం ఆ విలువైన రూపాయి తీసుకోవడానికి నేను రావాల్సిందే" అంటూ హారీష్ అన్నారట. దీనిని గుర్తు చేసుకొని హారీష్ సాల్వే ఉద్వేగానికి గురయ్యారు. పాక్ జైల్లో గూఢచర్యం ఆరోపణలతో కుల్ భూషణ్ ఉన్నారు. ఆయనకు పాక్ న్యాయస్థానం మరణశిక్షను నిలుపివేస్తూ అంతర్జాతీయ కోర్టు ఇచ్చిన తీర్పులో హారీష్ సాల్వే వాదనలు కీలకమయ్యాయి. ఈ కేసులో సుష్మా కూడా ఎంతో కీలకంగా వ్యవహరించి సహాకరించారు.