(Local) Wed, 18 Sep, 2019

జిల్లా కలెక్టర్లతో ముఖ్యమంత్రి జగన్ వీడియో కాన్ఫరెన్స్

August 27, 2019,   7:08 PM IST
Views: 88
Share on:
జిల్లా కలెక్టర్లతో ముఖ్యమంత్రి జగన్ వీడియో కాన్ఫరె ...

గ్రామ, వార్డు సచివాలయ ఉద్యోగాల నియామక పరీక్షను పటిష్టంగా నిర్వహించాలని రాష్ట్ర ముఖ్యమంత్రి వై.ఎస్.జగన్ మోహన్ రెడ్డి కలెక్టర్లకు తెలిపారు. మంగళవారం అమరావతి నుంచి అన్ని జిల్లాల కలెక్టర్లు, ఎస్పీలతో ఆయన వీడియో కాన్ఫరెన్స్ నిర్వహించారు. మంత్రులు పెద్దిరెడ్డి రామచంద్రా రెడ్డి, కొడాలి శ్రీ వెంకటేశ్వర రావు, రాష్ట్ర ప్రభుత్వ ప్రధాన కార్యదర్శి ఎల్వీ సుబ్రహ్మణ్యం, కార్యదర్సులు పాల్గొన్నారు. ఈ సందర్భంగా ముఖ్యమంత్రి మాట్లాడుతూ... సెప్టెంబర్ 1 నుంచి 8 వరకు జరుగనున్న గ్రామ, వార్డు సచివాలయ ఉద్యోగాల నియామక  పరీక్షలను ఎటువంటి లోటుపాట్లు లేకుండా పకడ్బందీగా నిర్వహించాలన్నారు. దాదాపు 1.40 లక్షల ఉద్యోగాలకు 22 లక్షల మంది పరీక్ష రాయబోతున్నారు.  ఇది దేశ చరిత్రలో ఎన్నడూ జరుగని విధంగా మనం నియామకాలను జరుపుతున్నాం. అవినీతికి ఆస్కారం లేకుండా పారదర్శకంగా, పటిష్టంగ ఈ పరీక్షలను నిర్వహించాలన్నారు. అర్జీదారులకు నాణ్యమైన పరిష్కారాన్ని అందించాలన్నారు. సహేతుకమైన కారణాలుంటేనే దరఖాస్తులను తిరస్కరించాలన్నారు. అయితే తిరస్కరించే దరఖాస్టులను కలెక్టర్ల దృష్టికి రావాలన్నారు.  పెండింగులో ఉన్న వినతులను తక్షణమే పరిష్కరించాలన్నారు.  అర్హత ఉన్న ఇళ్లు లేని వారందరికీ ఉగాది నాటికి ఇళ్ల స్థలాలు ఇచ్చేలా ఇప్పటినుంచే ప్రణాళికలను రూపొందించుకోవాలన్నారు. ఫలానా తేదీనాటికి మీకు ఇళ్ల స్థలం ఇవ్వబోతున్నాం అని వినతిపత్రం ఇచ్చే వారికి చెబితే మరింత బాగుంటుందన్నారు.  కొన్ని లక్షల మందికి ఇళ్ల స్థలాలు ఇవ్వడమనేది చరిత్రలో సువర్ణాధ్యాయం అన్నారు.  వాలంటీర్లకు ఎప్పటికప్పుడు  సలహాలు, సూచనలు అందిస్తూ, వారు చేస్తున్న పనులను కలెక్టర్లు పర్యవేక్షించాలన్నారు. ఈ కార్యక్రమంలో జిల్లా కలెక్టర్ సి.హరికిరణ్, జేసీ గౌతమి, డిఆర్వో రఘునాథ్ తదితరులు  పాల్గొన్నారు.

సంబంధిత వర్గం
ఆరోగ్య రంగంలో సంస్కరణలపై జగన్ కు నివేదిక
ఆరోగ్య రంగంలో సంస్కరణలపై జగన్ కు నివేదిక

Copyright 2018 - 2019 www.telugudaily24.com. All rights reserved.