ఏపీ ప్రభుత్వానికి కేంద్రం షాక్

ఏపీ సర్కార్ కు కేంద్రం షోకాజ్ నోటిసులు జారీ చేసింది. పోలవరం ప్రాజెక్టు విషయంలో పర్యావరణ అనుమతుల్ని ఉల్లంఘించినట్టు కేంద్రం స్పష్టం చేసింది. పర్యావరణ అనుమతులు ఎందుకు రద్దు చేయకూడదో చెప్పాలంటూ నోటిసులో ప్రభుత్వాన్ని ప్రశ్నించింది. పోలవరం ప్రాజెక్టు నిర్మాణంలో అనుమతుల్ని ఉల్లంఘించారంటూ చెన్నై పర్యావరణ శాఖ అధికారులు కేంద్రానికి నివేదిక ఇచ్చారు. దాంతో కేంద్ర పర్యావరణ శాఖ తనిఖీలు నిర్వహించింది. ప్రాజెక్టు నిర్మాణంలో పర్యావరణ అనుమతులు ఉల్లంఘించి పని చేశారని కేంద్ర పర్యావరణ శాఖ నిర్దారించింది. పోలవరం పర్యావరణ అనుమతులు రద్దు చేస్తామని, ఒక వేళ చేయవద్దంటే ఎందుకు చేయకూడదో వివరణ ఇవ్వాలంటూ ఏపీ ప్రభుత్వానికి కేంద్ర పర్యావరణ శాఖ నోటిసులు జారీ చేసింది. సీఎం జగన్ పోలవరాన్ని ప్రతిష్టాత్మకంగా తీసుకొని పని చేస్తుంటే కేంద్రం షోకాజ్ నోటిసులు జారీ చేయడం హాట్ టాపిక్ గా మారింది.  పురుషోత్తపట్నం ప్రాజెక్టు పై కూడా కేంద్రం  వివరణ కోరింది.