ఆర్.పి.ఐ (ఎ) ఇంచార్జిగా పేరం శివనాగేశ్వరరావు

రిపబ్లిక్ పార్టీ ఆఫ్ ఇండియా జాతీయ అధ్యక్షులు, కేంద్ర మంత్రి రాందాస్ అత్వాలే ఆదేశాల మేరకు పార్టీకి సంబంధించిన అన్ని కమిటీలను రద్దు చేయడం జరిగింది. రిపబ్లిక్ పార్టీ ఆఫ్ ఇండియా కొన్ని అనివార్య కారణాల వలన రెండు గ్రూపులుగా ఒకటి పాటిల్ గ్రూపు, రెండవది రాందాస్ అత్వాలే గ్రూపుగా విడిపోవడం వలన భారత దేశ వ్యాప్తంగా పాత కమిటీలను రద్దు చేయడం జరిగింది..

అందులో భాగంగా ఆంధ్రప్రదేశ్, తెలంగాణ రాష్ట్రాల్లో అన్ని కమిటీలు రద్దు అయినవి.. ఇప్పటివరకు ఆంధ్రప్రదేశ్ ఆర్పీఐ రాష్ట్ర అధ్యక్షుడిగా కొమ్మారెడ్డి బ్రహ్మానంద రెడ్డి, తెలంగాణ ఆర్ పి ఐ రాష్ట్ర అధ్యక్షుడు దాసరి నాగేశ్వరరావు వ్యవహరించారు.. ఇప్పుడు వీరితోపాటు రాష్ట్ర కమిటీ మొత్తం రద్దయింది. నూతన కమిటీలను డిసెంబరులో ప్రకటిస్తారు..

నేషనల్ కౌన్సిల్ మీటింగ్ ఢిల్లీలో కాన్స్టిట్యూషన్ క్లబ్ నందు డిసెంబర్ 9వ తారీకు సోమవారం మధ్యాహ్నం 2 గంటల నుంచి సాయంత్రం 6 గంటల వరకు జరుగుతుంది. ఈ మీటింగ్ లో ఆంధ్రప్రదేశ్, తెలంగాణ రాష్ట్ర అధ్యక్షులను నియమించే అవకాశం ఉంది.. అప్పటివరకు ఆంధ్రప్రదేశ్, తెలంగాణ రాష్ట్రాల ఇన్చార్జిగా  శివనాగేశ్వరరావు గౌడ్ ను ఆర్ పి ఐ జాతీయ అధ్యక్షులు మరియు కేంద్ర మంత్రి రాందాస్ అత్వాలే నియమించడం జరిగింది.