పాక్ అధ్యక్షుడి సంచలనం వ్యాఖ్యలు

దాయాది దేశం పాకిస్థాన్ భారత్ పై మరోసారి విషం గక్కింది. కాశ్మీర్ అంశంలో భారత్ నిప్పుతో చెలగాటమాడుతోందంటూ పాక్ అధ్యక్షుడు ఆరీఫ్ అల్వీ తీవ్ర వ్యాఖ్యలు చేశారు. ఆర్టికల్ 370 రద్దు, జమ్మూ కాశ్మీర్ విభజనతో సమస్యలు పరిష్కారమవుతాయని భారత్ ప్రభుత్వం భావిస్తోందన్నారు. ఒక వేళ భారత్ యుద్దానికి సిద్దమైతే దాన్ని ఎదుర్కోవడం తమ హక్కన్నారు. పుల్వామా లాంటి దాడుల సాకుతో పాకిస్థాన్ పై దాడికి భారత్ యత్నించినా తాము మాత్రం యుద్దం చేయబోమన్నారు. భద్రతా మండలిలో కాశ్మీర్ అంశంపై చేసిన తీర్మానాలను భారత్ తొంగలో తొక్కిందని ఆయన ఆరోపించారు.