కీలక అంశాల పై మోదీ, ట్రంప్ చర్చ

ఫ్రాన్స్ లో జరుగుతున్న జీ-7 సమ్మిట్ సదస్సులో భారత ప్రధాని మోదీ, అమెరికా అధ్యక్షుడు ట్రంప్ పాల్గొన్నారు. ఈ సందర్భంగా వీరిద్దరు పలు కీలక అంశాల పై చర్చించారు. ఈ సందర్భంగా వారు ప్రెస్ తో మాట్లాడారు. భారత ప్రధాని మోదీ మాట్లాడుతూ ఏమన్నారంటే… 

“ట్రంప్ నాకు మంచి మిత్రుడు. భారత్-అమెరికా మధ్య సత్సంబంధాలున్నాయి. ట్రంప్ తో భేటి గర్వకారణం. ఇరు దేశాల మధ్య వాణిజ్య సంబంధాల పై చర్చ జరిగింది. కాశ్మీర్ అంశం పై భారత్, పాక్ కలిసి చర్చించుకుంటాయి. దీని లో ఇతర దేశాల మధ్యవర్తిత్వం అవసరం లేదు. ఎన్నికల తర్వాత ఇమ్రాన్ ఖాన్ తో మాట్లాడాను. సామరస్య పూర్వకంగా ఈ సమస్యను పరిష్కరించుకుంటాం. కశ్మీర్ లో పరిస్థితులు అదుపులోనే ఉన్నాయి. ఇతర దేశాలు ఆందోళన చెందాల్సిన పని లేదు ” అని మోదీ అన్నారు. 

అమెరికా అధ్యక్షుడు ట్రంప్ మాాట్లాడుతూ.. “భారత్ తో అమెరికాకు మంచి సంబంధాలున్నాయి. కాశ్మీర్ అంశం ఇరు దేశాల ద్వైపాక్షిక అంశం. భారత్, పాక్ ఈ సమస్యను పరిష్కరించుకుంటాయని మేం ఆశిస్తున్నాం.” అని ట్రంప్ అన్నారు.