(Local) Sun, 28 Feb, 2021

ఫైట్ సీక్వెన్స్‌లో గాయపడిన స్టార్ హీరో..!

August 17, 2019,   2:17 PM IST
Share on:
ఫైట్ సీక్వెన్స్‌లో గాయపడిన స్టార్ హీరో..!

సినిమాలో హీరోకి గాయం అయిన కూడా అలాగే లేచి మరి విలన్ గ్యాంగ్ తో ఫైట్ చేసే సన్నివేశాలు ప్రతి సినిమాలో చూస్తూనే ఉంటాం. అదే రియల్ లైఫ్ సంగతి అయితే...తాజాగా విక్ట‌రీ వెంక‌టేష్, నాగ‌చైత‌న్య కాంబోలో బాబీ ద‌ర్శ‌క‌త్వంలో వెంకీ మామ అనే చిత్రం చేస్తున్న సంగతి తెలిసిందే. చిత్ర షూటింగ్ చివ‌రి ద‌శ‌కి చేరుకోగా, అతి త్వ‌ర‌లో మూవీని రిలీజ్ చేసేందుకు స‌న్నాహాలు చేస్తున్నారు నిర్మాత‌లు. అయితే ఇటీవ‌ల మేళాలో 500మంది జూనియ‌ర్ ఆర్టిస్ట్స్‌తో పాటు ఫైట‌ర్స్‌తో భారీ యాక్ష‌న్ సీన్‌ని తెర‌కెక్కించారు. రామ్ ల‌క్ష్మ‌ణ్ నేతృత్వంలో రూపొందిన‌ ఈ ఫైట్ సీక్వెన్స్‌లో వెంకటేష్ కాలికి గాయమైంది. దీంతో యూనిట్ భయాందోళనకు గురైంది. గాయం మ‌రి పెద్ద‌ది కాక‌పోవ‌డంతో స్వ‌యంగా ఆయ‌న ఆసుప‌త్రికి వెళ్లి వైద్యం తీసుకొని తిరిగి షూటింగ్‌లో జాయిన్ అయ్యార‌ట‌. గాయం ఉన్నప్పటికీ, ఈ చిత్ర షూటింగ్ పూర్తయ్యే వ‌ర‌కు వ‌రుస షెడ్యూల్‌లో పాల్గొంటూ మూవీ చిత్రీక‌ర‌ణ పూర్తి చేశాడు వెంక‌టేష్.  చిత్రంలో వెంకటేశ్‌ సరసన పాయల్‌ రాజ్‌పుత్, నాగచైతన్యకు జోడీగా రాశీఖన్నా నటిస్తున్నారు. ఈ చిత్రానికి కేఎస్‌ రవీంద్ర (బాబి) దర్శకత్వం వహిస్తున్నారు. రియ‌ల్ లైఫ్‌లో మామ అల్లుళ్ళుగా ఉన్న చైతూ, వెంకీలు రీల్ లైఫ్‌లోను మామ అల్లుళ్ళుగా ఈ చిత్రంలో క‌నిపించ‌డం విశేషం. అయితే మామ‌ రైస్‌మిల్‌ యజమాని పాత్రలో సంద‌డి చేస్తే, అల్లుడు ఆర్మీ ఆఫీసర్‌ పాత్రలో క‌నిపించ‌నున్న‌ట్టు స‌మాచారం.

సంబంధిత వర్గం
వెంకీమామ ఫస్ట్ గ్లింప్స్‌ రిలీజ్...
వెంకీమామ ఫస్ట్ గ్లింప్స్‌ రిలీజ్...

Copyright 2018 - 2020 www.telugudaily24.com. All rights reserved.