పోర్న్ సైట్లు కట్టడి చెయ్యాలని గూగుల్ కు హై కోర్ట్ నోటీసులు

తెలంగాణ హైకోర్టు గూగుల్ పై సీరియస్ అయ్యింది. అశ్లీల వెబ్ సైట్లను కట్టడి చేయాలని ఆదేశించింది. పోర్న్ సైట్లకు సంబంధించి పూర్తి వివరాలు తమకు సమర్పించాలని పేర్కొంది. ఫేస్ బుక్ లో ఉన్న పేర్లు, ఫోటోలను తీసుకుని పోర్న్ వెబ్ సైట్ లలో పెడుతున్నారని ఓ యువతి హైకోర్టును ఆశ్రయించింది. తన పేరు, ఫోటోలను పోర్న్ వెబ్ సైట్ల నుంచి తొలగించాలని గతంలో గూగుల్ కు ఫిర్యాదు చేసినా పట్టించుకోలేదని యువతి హైకోర్టుకు తెలిపింది. పోర్న్ వెబ్ సైట్లపై చర్యలు తీసుకోవాలని దాఖలైన పిటిషన్ పై మంగళవారం హైకోర్టు విచారణ చేపట్టింది. అశ్లీల వెబ్ సైట్ల బరితెగింపుపై ఆగ్రహం వ్యక్తం చేసిన కోర్టు తదుపరి విచారణను సెప్టెంబర్ 1కి వాయిదా వేసింది.