‘సరిలేరు నీకెవ్వరు’ రిలీజ్ డేట్ ఫిక్స్....

సూపర్ స్టార్ ఈ ఏడాది "మహర్షి" సినిమాతో బ్లాక్ బస్టర్ హిట్ ని సొంతం చేసుకున్న సంగతి తెలిసిందే. అదే జోష్ తో మహేష్ బాబు తాజాగా అనిల్ రావిపూడి దర్శకత్వంలో తెరకెక్కుతున్న "సరిలేరు నీకెవ్వరూ" మూవీలో నటిస్తున్నారు. ఈ చిత్రంలో మహేష్ సరసన రష్మిక మందన్న హీరోయిన్‌గా నటిస్తోంది. ఈ చిత్రాన్ని ఏకే ఎంటర్‌టైన్‌మెంట్‌, శ్రీ వెంకటేశ్వర క్రియేషన్స్‌, మహేశ్‌బాబు ఎంటర్‌టైన్‌మెంట్‌ పతాకంపై రామబ్రహ్మం సుంకర, దిల్‌రాజు, మహేశ్‌బాబులు నిర్మిస్తుండగా ఇందులో మహేష్ ఫస్ట్ టైమ్ ఒక ఆర్మీ మేజర్ అజయ్ కృష్ణ పాత్రలో నటిస్తున్నారు. అయితే తాజాగా ఈ మూవీని విడుదల తేదీని పోస్టర్ ద్వారా తెలియజేసారు మేకర్స్. ఈ సినిమాను సంక్రాంతి సందర్భంగా జనవరి 12న విడుదల చేయబోతున్నట్లు చిత్ర బృందం ప్రకటించింది. ‘ఈ సంక్రాంతి నాకు ఎంతో ప్రత్యేకం కాబోతోంది. ధన్యవాదాలు అనిల్‌ రావిపూడి’ అని మహేశ్‌ ట్వీట్‌ చేశారు. అంతేకాక ఈ మూవీలో అలనాటి నటి విజయశాంతి కీలక పాత్ర పోషిస్తున్నారు. కొన్నేళ్లుగా వెండితెరకు దూరమైన ఆమె ఈ చిత్రంతో రీఎంట్రీ ఇస్తున్నారు.