పొలిటికల్ ఎంట్రీపై వినిపిస్తున్న ఊహాగానాలకి చెక్ పెట్టిన......సంజయ్

బాలీవుడ్ హీరో సంజు భాయ్ మ‌ళ్ళీ రాజకీయాల్లోకి తెరంగ్రేటంచేస్తునట్టు సోషల్ మాధ్యమాలలో జోరుగా ప్ర‌చారం సాగుతున్న సంగతి తెలిసిందే.  2009 లోక్ స‌భ ఎన్నిక‌ల‌లో స‌మాజ్ వాద్ పార్టీ అభ్య‌ర్ధిగా ల‌క్నో నుండి పోటీ చేసి ఓడిపోయిన సంజ‌య్ మ‌ళ్ళీ రాజ‌కీయాల వైపు చూడ‌లేదు. అయితే రీసెంట్‌గా రాష్ట్రీయ సమాజ్ పక్ష పార్టీ నేత ఆర్‌ఎస్పీ చీఫ్ మహాదేవ్ శంకర్ ను సంజ‌య్ కలిశారు. ఆ త‌ర్వాత మహాదేవ్ శంకర్ మీడియా ముందుకు వచ్చి.. సంజయ్ తన పార్టీలో చేరబోతున్నట్లు ప్రకటించారు. దీనిపై తాజాగా స్పందించిన సంజ‌య్ ద‌త్‌.. నేను ఏ రాజ‌కీయ పార్టీలో చేర‌డం లేదు. మ‌హ‌దేవ్ శంక‌ర్ నాకు ఆప్త‌మిత్రుడు. సోద‌రుడితో స‌మానం. ఆయ‌న భవిష్య‌త్ మంచిగా ఉండాల‌ని కోరుకుంటున్నాన‌ని సంజ‌య్ పేర్కొన్నారు. సంజ‌య్ స్టేట్‌మెంట్‌తో అన్ని ఊహాగానాల‌కి పులిస్టాప్ ప‌డింది. ప్ర‌స్తుతం సంజ‌య్ తెలుగు సూప‌ర్ హిట్ చిత్రం ప్ర‌స్థానం రీమేక్‌లో న‌టిస్తున్నారు. ఇదే పేరుతో తెర‌కెక్కుతున్న ఈ చిత్రాన్ని దేవాకట్టా తెర‌కెక్కిస్తున్నాడు. తెలుగు వ‌ర్షెన్‌కి కూడా దేవా క‌ట్టానే డైరెక్ట్ చేసిన విష‌యం విదిత‌మే.