సాహో పై కోర్టులో పిటిషన్ దాఖలు .......

యంగ్ డైరెక్టర్ సుజీత్ దర్శకత్వంలో యువి క్రియేషన్స్ బ్యానర్ పై వంశీ మరియు ప్రమోద్ నిర్మించిన భారీ బడ్జెట్ మూవీ 'సాహో'. దాదాపు రూ. 350కోట్ల భారీ బడ్జెట్ తో రూపొందిన ఈ మూవీలో యంగ్ రెబెల్ స్టార్ ప్రభాస్ హీరోగా, బాలీవుడ్ భామ శ్రద్ధ కపూర్ హీరోయిన్ నటిస్తున్నారు. ఈ శుక్రవారం ప్రపంచ వ్యాప్తంగా విడుదల కానున్న క్రమంలో ఇష్టమొచ్చినట్టు సినిమా టికెట్ రేట్లను పెంచి అమ్మడంపై ప్రముఖ నిర్మాత నట్టికుమార్ ఆంధ్రప్రదేశ్ హైకోర్టును ఆశ్రయించారు. సాహో’ సినిమాను చూడాలకునుకొనే అభిమానులు, ప్రేక్షకుల బలహీనతను సినిమా నిర్మాతలు క్యాష్ చేసుకునేందుకు టిక్కెట్ రేట్లను పెంచడాన్ని అడ్డుకోవాలని కోరుతూ.. నట్టి కుమార్ హైకోర్ట్ లో పిటీషన్ వేశారు. ఈ సినిమా టికెట్ రేటును రూ.300 వరకు పెంచారని, అన్యాయంగా టిక్కెట్ ధరలను పెంచి అమ్మడాన్ని అడ్డుకోవాలని కోరుతూ.. నట్టికుమార్ పిటిషన్ దాఖలు చేశాడు. దీనిపై స్పందించిన కోర్టు ‘సాహో’ సినిమా నిర్మాతలు, డిస్ట్రిబ్యూటర్లపై ఆగ్రహం వ్యక్తం చేస్తూ నోటీసులు విడుదల చేసింది. దీనిపై వివరణ ఇవ్వాలని కోరుతూ ఏపీ హోమ్ శాఖ ప్రిన్సిపల్ కార్యదర్శి, విశాఖ పోలీస్ కమిషనర్, సాహో చిత్ర పంపిణిదారు దిల్‌రాజు తదితరులకు నోటీసులు జారీ చేసింది హైకోర్టు. మరోవైపు తెలంగాణ ప్రభుత్వం మాత్రం ‘సాహో’ సినిమాకి స్పెషల్ పర్మిషన్ షోస్‌తో పాటు టికెట్ రేట్లు పెంచుకోవడానికి అనుమతులు ఇవ్వలేదు. ఇదే విషయాన్ని పిటీషనర్ తరపు న్యాయవాది కోర్టులో ప్రస్తావించనున్నారు.