పాకిస్థాన్ లో 'సామజవరగమనా'పై చర్చ

మాటల మాంత్రికుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ హీరోగా తెరకెక్కుతున్న చిత్రం అల.. వైకుంఠపురములో. సంక్రాంతి కానుక‌గా ప్రేక్ష‌కుల ముందుకు రానున్న ఈ చిత్రంకి సంబంధించి మూడు పాట‌లు విడుద‌లైన సంగ‌తి తెలిసిందే. తొలి సాంగ్‌గా థ‌మ‌న్ స్వ‌ర‌ప‌ర‌చిన సామ‌జ‌వ‌ర‌గ‌మ‌నా అనే సాంగ్ విడుద‌ల చేశారు. సిద్ శ్రీరామ్ పాడిన ఈ పాట మ్యూజిక్ ప్రియుల‌ని ఎంత‌గానో అల‌రించ‌డ‌మే కాక ప‌లు రికార్డులు క్రియేట్ చేసింది. ఇప్పుడు దాయాది దేశం పాకిస్తాన్‌లోను ఈ సాంగ్‌పై చ‌ర్చ జ‌రుగుతుంది. పాకిస్తాన్‌కి చెందిన ముగ్గురు వ్య‌క్తులు ఈ సాంగ్‌పై డిబెట్ నిర్వ‌హించారు. భాష అర్ధం కాక‌పోయిన మ్యూజిక్ మాత్రం విన‌సొంపుగా ఉందంటూ వారు ప్ర‌శంసలు కురిపించారు. అల్లు అర్జున్, పూజా హెగ్డేల గురించి కొంత సేపు చ‌ర్చించి ఆ త‌ర్వాత బన్నీ నటించిన ‘సరైనోడు’ సినిమా గురించి కూడా మాట్లాడారు. చివ‌ర‌గా ఈ వీడియోని పాకిస్థానీయులు త‌ప్ప‌క చూడండని తెలిపారు. బ‌న్నీ సాంగ్‌కి పాకిస్తాన్‌లోను ఇంత రెస్పాన్స్ వ‌స్తుండ‌డంతో బ‌న్నీ ఫ్యాన్స్ ఫుల్ ఖుష్ అవుతున్నారు.