ఒప్పో నుండి రెనో సిరీస్‌లో 3 కొత్త మోడల్స్

ప్రముఖ చైనీస్‌ మొబైల్‌ కంపెనీ ఒప్పో తమ రెనో సిరీస్‌లో 3 కొత్త మోడళ్లను భారత మార్కెట్లోకి విడుదల చేసింది. రెనో ఫోన్లకు కొనసాగింపుగా రెనో 2, రెనో 2జెడ్‌, రెనో 2 ఎఫ్‌లను ఆవిష్కరించింది. ఈ మూడు ఫోన్లలో నాలుగు రియర్‌ కెమెరాలను అమర్చడం ప్రత్యేకతగా ఆ కంపెనీ పేర్కొంది. 48 ఎంపి ప్రైమరీ సెన్సర్‌, 8 ఎంపి వైడ్‌ యాంగిల్‌ సెన్సర్‌, 13 ఎంపి టెలి ఫోటో సెన్సర్‌, 2 ఎంపి బొకే ఎఫెక్ట్‌ సెన్సర్‌లను వుపయోగించింది. ఒప్పొ రెనో 2 మోడల్‌ ధరను రూ.36,990గా కంపెనీ నిర్ణయించింది. సెప్టెంబర్‌ 20 నుంచి ఇది అందుబాటులోకి రానుంది. ఇక రెనో2 జడ్‌ ఫోన్‌ ధరను రూ.29,990గా పేర్కొంది. ఇది సెప్టెంబర్‌ 6 నుంచి మార్కెట్లో అమ్మకానికి లభించనుంది. రెనో 2ఎఫ్‌ నవంబర్‌లో అందుబాటులోకి తీసుకురానున్నట్లు కంపెనీ వెల్లడించింది. దీని ధరను వెల్లడించలేదు. 6.55 అంగుళాల డిస్‌ప్లే, 8జిబి ర్యామ్‌, 256 జిబి స్టోరేజ్‌, 4000 ఎంఎహెచ్‌ బ్యాటరీ రెనో2 ఫీచర్లుగా వున్నాయి.