(Local) Thu, 29 Oct, 2020

సరికొత్త ట్రైలర్‌ తో మురిపిస్తున్న ‘మిషన్‌ మంగళ్‌’....!

August 08, 2019,   7:32 PM IST
Share on:
సరికొత్త ట్రైలర్‌ తో మురిపిస్తున్న ‘మిషన్‌ మంగళ్‌’ ...

బాలీవుడ్ యాక్షన్ హీరో అక్షయ్‌కుమార్‌ హీరోగా తెరకెక్కిన చిత్రం '‘మిషన్‌ మంగళ్‌'. 2013లో భారత్‌ చేపట్టిన ‘మంగళ్‌యాన్‌‌’ మిషన్‌ నేపథ్యంలో సాగే చిత్రమిది. అక్ష‌య్ కుమార్ ప్ర‌ధాన పాత్ర‌లో నటిస్తుండగా, విద్య బాలన్, తాప్సి, నిత్య మీనన్, సోనాక్షి సిన్హా, కృతి కొల్హారి, షర్మన్ జోషి కీలక పాత్రలో నటిస్తున్నారు.  వీళ్ళను వెనుక నుండి నడిపించి లోకానికి మహిళా శక్తిని చాటే రాకేష్ ధావన్ పాత్రలో అక్షయ్‌ కుమార్‌ రియలిస్టిక్ పెర్ఫార్మన్స్ ఇచ్చాడు. ఈ చిత్రాన్ని జ‌గ‌న్ శ‌క్తి తెర‌కెక్కిస్తున్నారు. ఈ చిత్రం టీజర్ ఇటీవలే విడుదల కాగా ప్రేక్షకుల నుంచి మంచి స్పందన వచ్చింది. తాజాగా ఈ సినిమాకు సంబంధించిన మరో ఆసక్తికరమైన ట్రైలర్‌ను చిత్రబృందం కాసేపటి క్రితం విడుదల చేసింది.

ట్రైలర్ లో....  ‘మనం ప్రవేశపెట్టిన జీఎస్‌ఎల్‌వీ ఫ్యాట్‌బాయ్‌ విఫలమైందని ప్రకటిస్తున్నందుకు నాకు చాలా బాధగా ఉంది’ అని ప్రముఖ శాస్త్రవేత్త రాకేశ్‌ ధావన్‌ పాత్రలో నటించిన అక్షయ్‌ మీడియా ముందు చెబుతున్న సన్నివేశంతో ట్రైలర్‌ మొదలైంది. ఈ డైలాగ్‌ చెబుతూ ఆయన మిఠాయి తింటుంటారు. అప్పుడు ఓ విలేకరి ఇండియాకి ఇంత నష్టం జరిగింది మీరు లడ్డు తింటున్నారా అని అడగడంతో  ‘కష్ట సమయాల్లో మిఠాయి తినకూడదని ఎక్కడైనా రాసుందా?’ అని రాకేశ్‌ (అక్షయ్‌) మీడియాను ప్రశ్నిస్తూ లడ్డు తినే తీరు ఫన్నీగా ఉంది. ‘మార్స్‌ మిషన్‌కు భారత్‌ సిద్ధం కావాలి’ అని ఇస్రో అధికారులు రాకేశ్‌కు చెప్తారు. ఇందుకు ఆయన స్పందిస్తూ.. ‘ఇది జరగదని ఇస్రోకు కూడా తెలుసు’ అని వెనకడుగు వేస్తారు. ఈ నేపథ్యంలో ఆయన టీం మిషన్‌ మంగళ్‌ను ఎలాగైనా సాధించాలని ప్రోత్సహిస్తుంది. అలా ఐదారు సార్లు ఓడిపోయాక చివరికి మన భారత్‌ మంగళ్‌యాన్‌ను అంగారకుడిపైకి పంపి ఎలా విజయం సాధించింది? అన్నదే సినిమా కథ. ఆగస్టు 15న సినిమా ప్రేక్షకుల ముందుకు రానుంది.

సంబంధిత వర్గం
దక్షిణాది సినిమాలను వదులుకుంటే అది తెలివి తక్కువతన ...
దక్షిణాది సినిమాలను వదులుకుంటే అది తెలివి తక్కువతన ...

Copyright 2018 - 2020 www.telugudaily24.com. All rights reserved.