హిమాచల్‌ప్రదేశ్‌‌ వరదల్లో చిక్కుకున్న మలయాళ నటి...

ఒక సినిమా షూటింగ్ మొదలయింది అంటే చాలు, అందులో పలు షాట్స్ షూట్ కోసం బయట లొకేషన్స్ షూట్ చేయవలసి ఉంటుంది. అయితే తాజాగా ఆలా షూటింగ్ కోసం బయట లొకేషన్ కి వెళ్లిన చిత్ర బృందం వరదలో చిక్కుకుంది. హిమాచల్‌ప్రదేశ్‌‌లో ఎడతెరిపిలేని వర్షాలకు వాగులు, వంకలు పొంగి పొర్లుతున్నాయి. దిని ప్రభావంతో కొండ చరియలు విరిగిపడడం, వరదనీరు ప్రవహిస్తుండడంతో రవాణా వ్యవస్థ ఎక్కడిక్కడ స్తంభించిపోయింది. దీంతో కొండప్రాంతాల్లో చాలా మంది పర్యాటకులు చిక్కుకుపోయారు. ఈ క్రమంలోనే సినిమా షూటింగ్ కోసం వెళ్లిన మలయాళం మూవీ 'కయ్యాటమ్' యూనిట్ కూడా లాహోల్ స్పితిలోయలోని ఛత్రులో చిక్కుకుపోయింది. మలయాళ నటి హీరోయిన్ మంజు వారియర్ తో పాటు మూవీ డైరెక్టర్ సనాల్ కుమార్ శశిధరన్‌ సహా 30 మంది చిక్కుకున్నారు. దీంతో ఈ విషయాన్ని తన సోదరుడు మధుకు కాల్ చేసి వివరించింది. దీంతో ఆయన ఈ విషయాన్ని సీఎం జైరామ్ ఠాకూర్ దృష్టికి తీసుకెళ్లారు. వెంట‌నే ఆయన సహాయక సిబ్బందిని పంపిచి ఆ 30 మందిని కాపాడిన‌ట్లు తెలిపారు. ప్ర‌స్తుతం ఉన్న ప‌రిస్థితుల్లో ఔట్ డోర్ షూటింగ్ ల‌కు వెళ్లోద్ద‌ని అందుబాటులో ఉన్న లోకేష‌న్స్ ను వాడుకుని షూటింగ్ చేసుకోవాల‌ని సూచించారు. దేశంలో ప‌రిస్థితి బాగోన‌ప్పుడు షూటింగ్ కు ఎందుకు వెళ్లారని? ద‌యచేసి స‌మ‌స్య‌ల‌కు కొని తెచ్చుకోవ‌ద్ద‌ని తెలిపారు. ప్రస్తుతం అక్కడ టెలిఫోన్, సెల్ ఫోన్ లైన్స్ ఏం పని చేయడం లేదని.. సోమవారం రాత్రి తన సోదరి ఫోన్ చేసి క్షేమంగా ఉన్నామని చెప్పినట్లు మధు వెల్లడించాడు.