పారా బ్యాడ్మింటన్ లో స్వర్ణం సాధించిన మానసి జోషి

వరల్డ్ బ్యాడ్మింటన్ చాంపియన్ షిప్ కైవసం చేసుకున్న సింధు విజయాన్ని ఆస్వాదిస్తూ దేశమంతా తన్మయత్వంతో మునిగిపోయింది. అదే ఆదివారం నాడు స్విట్జర్లాండ్‌లో మరో భారత క్రీడాకారిణి కూడా స్వర్ణం సాధించింది. తన పేరు మానసి జోషి. పారా బ్యాడ్మింటన్‌లో స్వర్ణం సాధించిన 30 ఏళ్ల క్రీడాకారిణి ఆమె. తన ప్రత్యర్థి, ప్రపంచ నెంబర్‌ వన్  పారుల్‌ పామర్‌ను మట్టికరిపించి తొలిసారి పారా వరల్డ్  బ్యాడ్మింటన్‌ చాంపియన్‌ టైటిల్‌ను తన ఖాతాలో వేసుకున్నారు. మరో ఆసక్తికర విషయం ఏంటంటే ఈ ‘బంగారు’ తల్లి కూడా గోపీచంద్‌ అకాడమీలోనే శిక్షణ తీసుకోవడం గమనార్హం. స్వర్ణం సాధించిన మానసి జోషికి శుభాకాంక్షలు తెలియజేస్తూ ట్వీట్ చేశారు తెలంగాణ మంత్రి కేటీఆర్.