(Local) Wed, 18 Sep, 2019

కేజీఎఫ్‌-2 షూటింగ్‌ ఆగిపోయింది.....

August 29, 2019,   5:16 PM IST
Views: 52
Share on:
కేజీఎఫ్‌-2 షూటింగ్‌ ఆగిపోయింది.....

కేజీఎఫ్‌ సినిమాకి ముందు కన్నడ హీరో యష్ అంటే కేవలం కొద్దిమందికే తెలిసి ఉండచ్చు. కానీ కేజీఎఫ్‌ తర్వాత దేశవ్యాప్తంగా ఈ హీరో ఈ పేరు తెలియనివారు ఎవరు ఉండరు...ఎందుకంటే ఈ కేజీఎఫ్‌ చిత్రం భారత సినీ ప్రపంచంలో ఒక ప్రభంజనాన్ని సృష్టించింది. ఈ చిత్రం కన్నడతో పాటు తెలుగు, హిందీ, తమిళ భాషల్లోనూ ఘన విజయం సాధించిన రూ. 200 కోట్లకు పైగా వసూళ్లు సాధించింది. దీంతో కేజీఎఫ్‌ 2పై భారీ అంచనాలు ఏర్పడ్డాయి. అందుకు తగ్గట్టుగా భారీ తారాగణంతో ఈ సినిమాను రూపొందిస్తున్నారు దర్శకుడు ప్రశాంత్‌ నీల్‌. భారీ అంచనాలతో తెరకెక్కుతున్న ఈ చిత్రానికి తాజాగా కోర్టు షాక్‌ ఇచ్చింది. ప్రస్తుతం కోలార్‌ ఫీల్డ్స్‌లోని సైనైడ్‌ హిల్స్‌లో ఈ సినిమా చిత్రీకరణ జరుగుతోంది. అయితే ఈ షూటింగ్‌ కారణంగా అక్కడి పర్యావరణానికి హానికలుగుతుందంటూ శ్రీనివాస్‌ అనే వ్యక్తి కోర్టును ఆశ్రయించారు. అతని వ్యాఖ్యలతో ఏకీభవించిన న్యాయస్థానం వెంటనే సైనైడ్‌ హిల్స్‌లో జరుగుతున్న కేజీఎఫ్‌ 2 షూటింగ్‌ను ఆపాలని ఆదేశాలిచ్చింది. ఈ చిత్రంలో యశ్‌ సరసన శ్రీనిధి శెట్టి నటిస్తుండగా, బాలీవుడ్ నటుడు సంజయ్దత్ ప్రతినాయకుడైన అధీరా పాత్రలో కనిపించనున్నారు. ఇటీవల సంజయ్‌దత్‌కు సంబంధించిన ఫస్ట్‌లుక్‌ను చిత్ర బృందం విడుదల చేసింది. సంజయ్‌దత్‌ లుక్‌కు ప్రేక్షకుల నుంచి మంచి స్పందన వచ్చింది.

సంబంధిత వర్గం
ఆ రెండు చిత్రాల కోసం లేడి సూపర్ స్టార్ అలవాటు మార్ ...
ఆ రెండు చిత్రాల కోసం లేడి సూపర్ స్టార్ అలవాటు మార్ ...
‘మీకు మాత్రమే చెప్తా’ అంటున్న.......రౌడీ
‘మీకు మాత్రమే చెప్తా’ అంటున్న.......రౌడీ

Copyright 2018 - 2019 www.telugudaily24.com. All rights reserved.