వైఎస్‌ఆర్‌సిపిపై జనసేన ఫిర్యాదు

సోషల్ మీడియా వేదికగా జనసేన అధినేత పవన్ కళ్యాణ్ పై తప్పుడు ప్రచారం చేస్తున్న వారిపై లీగల్ గా ప్రొసీడ్ అవ్వాలని జనసేన నిర్ణయించింది. వైసీపీ సోషల్ మీడియా విభాగం.. సోషల్ మీడియాలో పవన్ మీద సంచలన ఆరోపణలు చేస్తున్న సంగతి తెలిసిందే. ముఖ్యంగా పవన్ బర్త్ డే రోజు 2000 కోట్లు బ్లాక్ మనీని వైట్ మనీగా మార్చే ప్లాన్ చేస్తున్నారని వివాదాస్పద పోస్ట్ చేసింది.ఈ సందర్భంగా వైఎస్‌ఆర్‌సిపి సోషల్‌ మీడియా విభాగంపై ఫిర్యాదు చేయాలని నిర్ణయించింది. సైబర్‌ క్రైం పోలీసులకు ఫిర్యాదు చేసి, లీగల్‌ నోటీసులు పంపుతామని ఆ పార్టీ ముఖ్యనేతలు పేర్కొన్నారు. బాధ్యులపై చట్టపరమైన చర్యలు చేపట్టేలా చూడాలని పార్టీ అధినేత పవన్‌కల్యాణ్‌ సూచించినట్లు వారు చెబుతున్నారు.