(Local) Fri, 15 Nov, 2019

క్యూనెట్‌ కుంభకోణంలో 70 మంది అరెస్టు

August 28, 2019,   2:54 PM IST
Share on:
క్యూనెట్‌ కుంభకోణంలో  70 మంది అరెస్టు

క్యూనెట్‌ స్కామ్‌లో 70మందిని అరెస్టు చేసినట్లు సైబరాబాద్‌ పోలీసు కమిషనర్‌ సజ్జనార్‌ తెలిపారు. మంగళవారం విలేకరులతో మాట్లాడుతూ ఈ కేసులో సంబంధం ఉన్నవారిపై 38 కేసులు నమోదు చేసినట్లు తెలిపారు. బెంగళూరులో రూ.2.7 కోట్ల నగదును సీజ్‌ చేసినట్లు ఆయన తెలిపారు. అంతేకాక క్యూనెట్‌కు ప్రచారం చేసిన సినీప్రముఖులకు నోటిసులు ఇచ్చినట్లు పేర్కొన్నారు. క్యూనెట్‌ సంస్థ మల్టిలెవల్‌ మార్కెటింగ్‌ పేరుతో కోట్ల రూపాయలు పెట్టుబడులు పెట్టి మోసం చేస్తున్నారని, ఢిల్లీ, మహారాష్ట్ర, కర్ణాటక రాష్ట్రాలలో బాధితులు ఉన్నట్లు సజ్జనార్‌ పేర్కొన్నారు.

ఈ కంపెనీతో ఎలాంటి సంబంధం లేనివారు పెట్టుబడుల్లో వచ్చిన డబ్బును వాడుకుంటున్నారని, దేశవ్యాప్తంగా క్యూనెట్‌ సంస్థ 5వేల కోట్ల రూపాయలు మోసం చేసినట్లు విచారణ తేలిందన్నారు. సంస్థపై పలు ఫిర్యాదులు అందడంతో కేసును లోతుగా విచారించాలని రిజిస్టార్‌ ఆఫ్‌ కంపెనీస్‌ ఆదేశాలు ఇచ్చిందన్నారు. 15 రోజుల క్రితం క్యూనెట్‌ బాధితుడు ఓ సాఫ్ట్‌వేర్‌ ఇంజినీర్‌ సైబరాబాద్‌లో ఆత్మహత్య చేసుకున్నాడని, మరో వ్యక్తి సూసైడ్‌ నోట్‌ రాసి ఆత్మహత్య చేసుకున్నట్లు తెలిపారు. ఈ క్యూనెట్‌ స్కామ్‌లో ఆరోపణలు ఎదుర్కొంటున్న ప్రముఖులు దేశం దాటిపోకుండా 12మందిపై లుక్‌ఔట్‌ నోటీసులు ఇచ్చినట్లు ఆయన తెలిపారు. ఈ సంస్థకు ఎలాంటి నోటీసులు లేవని, రూ.100 విలువ చేసే వస్తువు రూ.1500కి అమ్మకాలు చేస్తూ మోసాలకు పాల్పడుతున్నట్లు ఆయన చెప్పారు.

సంబంధిత వర్గం
లోకో పైలట్ చంద్రశేఖర్ కుడికాలు తొలగింపు
లోకో పైలట్ చంద్రశేఖర్ కుడికాలు తొలగింపు

Copyright 2018 - 2019 www.telugudaily24.com. All rights reserved.