బ్యాంకు ఖాతాదారులకు శుభవార్త

దేశ వ్యాప్తంగా ప్రభుత్వ రంగ బ్యాంకులన్నీ ఒకే వేళలో పని చేసేలా కేంద్ర ప్రభుత్వం నిర్ణయం తీసుకోనుంది. ప్రస్తుతం బ్యాంకులన్నీ వివిధ సమయ పాలనను పాటిస్తున్నాయి. బ్యాంకు సమయం ముగిసిన తర్వాత కూడా ఉద్యోగులు పని చేస్తున్నారు. దీంతో వారు ఒత్తిడి గురవుతున్నారు. మరో వైపు వినియోగదారులకు కూడా బ్యాంకుల సమయ పాలన పై సరైన అవగాహన లేదు. ఏ బ్యాంకు ఎప్పుడు తీస్తారో అన్న దాని పై కాస్త గందరగోళ వాతావరణం ఉంది. దీంతో ప్రభుత్వ రంగ బ్యాంకులన్నీ ఒకే సమయపాలన పాటించేలా కేంద్ర ప్రభుత్వం త్వరలో నిర్ణయం తీసుకోనుంది. ఈజ్ 2.0 కార్యక్రమంలో భాగంగా ప్రభుత్వం ఈ నిర్ణయం తీసుకోనుంది. దీని కోసం బ్యాంకర్స్ ప్యానెల్ మూడు టైమింగ్ స్లాట్స్ ను ప్రతిపాదించింది. ఉదయం 9 గంటల నుంచి మధ్యాహ్నాం 3 గంటల వరకు, ఉదయం 10 నుంచి సాయంత్రం 6, ఉదయం 11 నుంచి 5 గంటల వరకు ఉండేలా మూడు టైమింగ్స్ ను సిద్దం చేశారు. వీటిలో ఏదో ఒక దానిని ప్రభుత్వం నిర్ణయించనుంది. బ్యాంకు ఉద్యోగులతో చర్చించిన తర్వాతనే అధికారిక నిర్ణయాన్ని ప్రకటించనున్నారు. ఈ నిర్ణయంతో ఉద్యోగులతో పాటు కస్టమర్లు కూడా ఆనందం వ్యక్తం చేస్తున్నారు.