(Local) Fri, 23 Jul, 2021

యంగ్ హీరోయిన్‌కి హార్ట్ ఎటాక్‌...వెంటిలేటర్‌పై చికిత్స

November 23, 2019,   2:42 PM IST
Share on:
యంగ్ హీరోయిన్‌కి హార్ట్ ఎటాక్‌...వెంటిలేటర్‌పై చిక ...

వర్కౌట్స్ అంటూ ప్రతి ఒక్కరు శరీర సౌష్టవం కోసం శ్రద్ధ వహించడం మంచి విషయం. అయితే ఈ ఫిట్నెస్, డైట్‌ అంటూ పరిగెత్తే వారు సరియిన జాగ్రత్తలు తీసుకోకపోతే దాని పరిణామం అనుకోని సంఘటనల వైపు దారి తీయడం చూస్తూనే ఉన్నాం. తాజాగా ఇలాంటి  సంఘటన ఓ నటికి ఎదురైంది. మోడల్‌ గెహనా వశీష్ట (31) తీవ్ర అస్వస్థతకు గురయ్యారు. ఆమెకు గుండె పోటు రావటంతో ఆసుపత్రిలో జాయిన్‌ చేశారు. సరైన నూట్రిషనల్‌ డైట్‌ తీసుకోకుండా సుధీర్ఘంగా సెట్స్‌లో పనిచేయటం వల్లే ఈ పరిస్థితి వచ్చినట్టుగా డాక్టర్లు చెపుతున్నారు. గురువారం మధ్యాహ్న సమయంలో ఓ వెబ్‌ సిరీస్‌ కోసం మద్‌ ఐలాండ్‌లో షూటింగ్ చేస్తుండగా గెహనా స్పృహ తప్పి పడిపోయ్యింది. వెంటనే స్పందించిన యూనిట్‌ సభ్యులు ఆమెను ఆసుపత్రికి తరలించారు. ఆసుపత్రికి చేరే సమయానికి ఆమె పల్స్‌ పూర్తిగా ఆగిపోయినట్టుగా డాక్టర్లు వెల్లడించారు. ఎలక్ట్రిక్‌ షాక్‌ ట్రీట్‌మెంట్‌ ఇచ్చి ప్రయత్నించగా రెండు గంటల తరువాత తిరిగి నాడి కొట్టుకోవటం ప్రారంభమైందని తెలిపారు. అంతేకాదు ఆమె శరీరం చికిత్సకు స్పందించటం లేదని, శ్వాస కూడా తీసుకోలేకపోతుందని తెలిపారు. ఆమెకు వెంటిలేటర్‌ మీద చికిత్స అందిస్తున్నామన్న ఆసుపత్రి వర్గాలు ప్రస్తుతం పరిస్ధితి అత్యంత విషయంగా ఉందని వెల్లడించారు. పలు టీవీ సీరియల్స్‌, వెబ్‌ సిరీస్‌లలో నటిస్తున్న గెహనా సోషల్ మీడియాలో హాట్ ఫోటోలతో హల్‌ చల్‌ చేస్తుంటారు. నటిగా కన్నా మోడల్‌గానే ఈమెకు ఎక్కువ పేరుంది. గతంలో న్యూడ్‌ ఫోటోలతో హల్‌చల్‌ చేసిన ఈ బ్యూటీ ఎప్పటికప్పుడు తన హాట్ ఫోటో షూట్‌లను రిలీజ్‌ చేస్తూ వార్తల్లో నిలుస్తుంటుంది. తెలుగులోను పలు చిత్రాల్లో నటించింది గెహనా. కొన్ని సినిమాల్లో హీరోయిన్‌గా నటించటంతో పాటు ఐటమ్‌ సాంగ్స్‌లోనూ అలరించింది.
 

సంబంధిత వర్గం
విశ్వాస పరీక్షలో విజయం సాధించిన ఉద్ధవ్ ఠాక్రే
విశ్వాస పరీక్షలో విజయం సాధించిన ఉద్ధవ్ ఠాక్రే

Copyright 2018 - 2020 www.telugudaily24.com. All rights reserved.