ఏపీ సీఎం వైఎస్ జగన్ వైద్య శాఖ పై పలు కీలక నిర్ణయాలు

ఏపీ సీఎం వైఎస్ జగన్ మోహన్ రెడ్డి మంగళవారం వైద్య శాఖ పై సమీక్ష నిర్వహించారు. ఈ సమీక్షలో ఆరోగ్యశ్రీ పై ప్రధానంగా చర్చించారు. వైద్య అధికారులు, మంత్రి ఈ సమావేశంలో పాల్గొన్నారు. ఈ సమావేశంలో సీఎం జగన్ పలు కీలక నిర్ణయాలు తీసుకున్నారు. డిసెంబర్ 21 నుంచి హెల్త్ కార్డులు జారీ చేయాలని ఆయన అధికారులను ఆదేశించారు. వైద్య ఖర్చు వెయ్యి రూపాయలు దాటితే ఇక నుంచి వారికి ఆరోగ్యశ్రీ ద్వారా చికిత్స అందించనున్నారు. ఈ నూతన విధానాన్ని జనవరి 1 నుంచి పశ్చిమ గోదావరి జిల్లాలో పైలెట్ ప్రాజెక్టుగా అమలు చేయాలన్నారు. ఆరోగ్యశ్రీ ద్వారా ఇక నుంచి 2 వేలకు పైగా వ్యాధులకు చికిత్స అందించనున్నారు. రాష్ట్ర వ్యాప్తంగా మరో 5 క్యాన్సర్ ఆస్పత్రులను కూడా ఏర్పాటు చేయాలని సీఎం జగన్ అధికారులను ఆదేశించారు. వీటన్నింటి పై తక్షణమే చర్యలు చేపట్టాలని ఆయన అధికారులకు సూచించారు.