మెగా మనవరాలి అన్న‌ప్రాస‌న వేడుకలు.....

మెగా ఫ్యామిలీ పెద్ద ఫంక్షనే జరిగింది. చిరంజీవి చిన్న కూతురు శ్రీజ గ‌త ఏడాది క్రిస్మస్ పండుగ రోజున పండంటి ఆడపిల్లకి జ‌న్మ‌నిచ్చిన సంగ‌తి తెలిసిందే. ఆ పాప‌కి న‌విష్క అని నామ‌క‌ర‌ణం చేశారు. ‘నవిష్క’ అంటే నిత్య నూతనం అని అర్థం. క‌ళ్యాణ్ దేవ్, శ్రీజ తనయురాలు న‌విష్క అన్న‌ప్రాస‌న వేడుకలు జూన్ 19న చిరంజీవి నివాసంలో జ‌రిగింద‌ట‌. ఈ వేడుక‌కి మెగా ఫ్యామిలీ అంతా త‌ర‌లి వ‌చ్చారు. పవన్‌ కల్యాణ్‌ భార్య అన్నాలెజ్‌నోవా తన కొడుకు మార్క్‌ శంకర్‌తో వేడుక‌కు హాజ‌రు కాగా, ఆమె ప్ర‌త్యేక ఆక‌ర్ష‌ణ‌గా నిలిచారు. ఇక చిరు త‌న మ‌నుమ‌రాల‌ని ఎత్తుకొని ముద్దాడుతూ స‌ర‌దాగా గ‌డిపారు. ఈ హంగామాకి సంబంధించిన వీడియో తాజాగా బ‌య‌ట‌కి వ‌చ్చింది. ప్ర‌స్తుతం ఈ వీడియో సోష‌ల్ మీడియాలో చ‌క్క‌ర్లు కొడుతుంది. ఈ వేడుకలో సందడి చేసారు. ఎపుడో రెండు నెలల క్రితం జూన్ లో జరిగిన ఈ వేడుక ఫోటోలు తాజాగా వైరల్ అవుతున్నాయి. చిరు ఇంట్లో జరిగిన ఈ అన్న ప్రాసన వేడుకల ఫోటోలు సోషల్ మీడియాలో మెగాభిమానులు తెగ షేర్ చేస్తున్నారు.