రూ.9 ప్రారంభ ధరతో టికెట్లు అందిస్తున్న వియత్‌జెట్

వియత్నాంకు చెందిన వియత్‌జెట్ సంస్థ.. డిసెంబర్ నుంచి భారత్‌లోనూ విమానాలను నడుపుతామని వెల్లడించింది. ఇండియా‌లోకి ఎంట్రీ ఇస్తున్న సందర్భంగా ‘గోల్డెన్ డే’ పేరిట రూ.9 ప్రారంభ ధరతో టికెట్లు అందిస్తున్నట్లు వియత్‌జెట్ ప్రకటించింది. డిసెంబరు 6 నుంచి వియత్నాంలోని హోచి మిన్-ఢిల్లీ, డిసెంబరు 7నుంచి హనోయ్-ఢిల్లీ రూట్లో విమానాలను నడుపుతామని తెలిపింది. ఈ ఆఫర్ ఆగస్టు 2022 వరకు అందుబాటులో ఉంటుందని.. అయితే టికెట్‌కు అదనపు సుంకాలు ఉంటాయని పేర్కొంది. హోచి మిన్-ఢిల్లీ రూట్‌లో వారానికి నాలుగు రోజు(సోమవారం, బుధవారం, శుక్రవారం, ఆదివారం)లు విమానాలను నడపుతామని, ఇక హనోయ్-ఢిల్లీ రూట్‌లో వారానికి మూడు రోజులు విమానాలను నడుపుతామని ఓ ప్రకటనలో తెలిపింది. గతంలో వియత్‌జెట్ ఎయిర్ సంస్థ ఉగబికినీ ఎయిర్‌లైన్స్‌గా చాలా ఫేమస్ అయ్యింది. ఎయిర్ హోస్టెస్ బికినీ ధరించి ప్రయాణికులకు ఆహ్వానం పలకడం వియత్నాంలో పెద్ద దుమారాన్నే రేపింది.