చైనాకు చెందిన ప్రముఖ స్మార్ట్‌ఫోన్‌ ఉత్పత్తుల సంస్థ వన్‌ప్లస్‌ దేశీయ మొబైల్‌ విపణిలో అదరగొట్టింది. ప్రీమియం సెగ్మెంట్‌ మోడళ్లలో యాపిల్‌, శాంసంగ్‌ను దాటేసి అత్యధిక షిప్‌మెంట్‌ షేర్‌ ఉన్న కంపెనీగా అగ్రస్థానంలో నిలిచింది. ఈ ఏడాది రెండో త్రైమాసికంలో దేశంలోకి దిగుమతి అయిన మొత్తం ప్రీమియం ఫోన్లలో 43 శాతం వన్‌ప్లస్‌వే అని కౌంటర్‌పాయింట్‌ రీసెర్చ్‌ తాజాగా వెల్లడించింది. ఈ జాబితాలో 22శాతం షేర్‌తో దక్షిణకొరియా దిగ్గజ మొబైల్‌ సంస్థ శాంసంగ్‌ రెండో స్థానానికి పడిపోగా, 18 శాతం షేర్‌తో యాపిల్‌ మూడో స్థానంలో నిలిచింది. ఇక వన్‌ప్లస్‌ నుంచి వచ్చిన ఆల్ట్రా ప్రీమియం ఫోన్‌ వన్‌ప్లస్‌ 7 ప్రోకు భారత మార్కెట్లో మంచి ఆదరణ లభిస్తోంది.