నేడు ట్రైలర్ తో అలరించనున్న ’వాల్మీకి’....

హరీష్ శంకర్ దర్శకత్వంలో 14రీల్స్‌ ప్లస్‌ పతాకంపై రామ్‌ ఆచంట, గోపీ ఆచంట నిర్మిస్తున్న చిత్రం 'వాల్మీకి'. మెగాప్రిన్స్ వరుణ్ తేజ్ హీరోగా, హెగ్డే హీరోయిన్ గా నటిస్తున్న ఈ చిత్రం తమిళంలో సూపర్‌ హిట్‌ అయిన ‘జిగర్తాండ’ అనే సినిమాకు రీమేక్‌గా తెరకెక్కుతున్న సంగతి తెలిసిందే. ఇప్పటికే ఈ సినిమా ఫస్ట్ లుక్ టీజర్, మరియు రెండు సాంగ్స్ ఇటీవల యూట్యూబ్ లో రిలీజ్ అయి వీక్షకుల నుండి మంచి రెస్పాన్స్ సంపాదించడం జరిగింది. ఈ సినిమాలో వరుణ్ తేజ్ ఫస్ట్ టైం గని అలియాస్ గద్దలకొండ గణేష్ అనే ఫుల్ లెంగ్త్ మాస్ రోల్ లో నటిస్తున్నారు. తమిళ నటుడు అధర్వ మురళి, మృణాళిని రవి ముఖ్య పాత్రల్లో నటిస్తున్న ఈ సినిమా ఇప్పటికే షూటింగ్ మొత్తం పూర్తి చేసుకుంది. ఇక ఈ సినిమా థియేట్రికల్ ట్రైలర్ ని ఈ రోజు సాయంత్రం 4 గంటలకు రిలీజ్ చేయబోతున్నట్లు సినిమా యూనిట్ సోషల్ మాధ్యమాలలో ఒక ప్రకటన రిలీజ్ చేయడం జరిగింది.  తమిళంలో ఘన విజయం సాధించిన ‘జిగర్తాండ’ మరి తెలుగులో ‘వాల్మీకి’ గా ఎలా ఉండబోతోందో వేచి చూడాలి...!